بوسي: طليقي كان قافل عليا ومانعني من أهلي علشان محدش ياخد منه السبوبة
تحدثت الفنانة والمطربة بوسي عن فترة زواجها الأول، مؤكدة أنها كانت تعيش أصعب فترة في حياتها، وأن طليقها كان يمنعها من زيارة أهلها وأصدقائها حتى لا يسيطر أحد على تفكيرها، وذلك على حد قولها.
وقالت بوسي في تصريحات تلفزيونية: أنا اتجوزت وأنا عندي 19 سنة وكان مقفول عليا أوي لدرجة إني مكنتش بشوف أهلي، كان مانعني من أصحابي وكل الناس عشان يكوش عليا ومحدش يلعب بدماغي ولا يفوقني ولا ياخد منه السبوبة، وبعد ما انفصلت بقيت عايزة أعيش حياتي، ولكن بخاف على سمعتي.
أما عن حقيقة استأجراها بلطجية للاعتداء على طليقها، علقت بوسي قائلة: لو حصل هقول حصل، وجايز أنه يكون هو اللي قال كده للناس وأنا مبحبش أجيب سيرته طول ما هو بعيد عني أنا تماما، وربنا حليم ستار ودي كانت علاقة راحت بحلوها ووحشها وأنا دلوقتي ست متزوجة ومعايا رجل قوي وبحترمه، وكمان في طفل من طليقي فمش هينفع أقول كلمة وحشة تخص أبوه، وهو هيكبر ويعرف كل حاجة لوحده.
وتابعت بوسي: طليقي في بداية تعارفنا، كان مدير أعمال زوجته الأولى أم بنته كانت بتشتغل في المهنة واعتزلت والتزمت في البيت، ولبست نقاب كمان وربنا نزل عليها برضاه، وهي ست متجوزة.
بوسي: عندي أزمة في الثقة بالبشر
وأكدت بوسي، تعرضها للخيانات كثيرة في مشوار حياتها وهذا لا يعني خيانة نسائية ولكن خيانات من البشر بشكل عما كما أنا عندها أزمة ثقة في البشر، مضيفة: تعرضت لخيانات كتير في ناس كنت اعتبرهم من أهلي مش شرط يكون ست وتعرضت من خيانات منهم.
