أجبروني وضربوني.. بوسي: ندمت على الشغل في شارع الهرم وبحمد ربنا إن لسه فيا مخ بعد اللي شفته
كشفت المطربة الشعبية بوسي، كواليس تصوير فيلم شارع الهرم، مؤكدة أنها تعرضت للإهانة والضرب خلال تصوير العمل.
وأكدت المطربة بوسي في تصريحات تليفزيونية، ندمها على العمل في فيلم شارع الهرم خلال فترة مبكرة في بداية حياتها الفنية، قائلة: مقلتش شغلي في شارع الهرم تنازل لكن ندمانة على الشغل في شارع الهرم لكن هو علمني اتعامل مع الناس وخلاني عندي خبرة في التعامل.
وأقرت بوسي بأنها لم تكن تحب العمل في شارع الهرم لأن الأجواء لا تشبهها، مضيفة: بصراحة مكنتش حابة أشتغل في الأماكن دي والأماكن دي مش شبهي وشفت فيها حاجات كتير ولكن كنت عيلة صغيرة وباكل عيش.
واستكملت: كنت مش عايزة استمر وكنت مجبورة على الشغل وكنت شغالة بالإكراه واضربت عشان أنزل الشغل وتعرضت للإهانة، وبحمد ربنا إن ربنا لسه مخلي فيا عقل من اللي شوفته.
بوسي: لم أمنع طليقي من رؤية ابنه بالقوة ونفسي أروح لدكتور نفساني
كما أكدت المطربة بوسي عدم منعها طليقها من رؤية ابنها وأنه لم يسع لرؤية ابنه، قائلة: مش مانعة طليقي يشوف ابنه بالقوة وهو مش بيشوفه عشان لم يسعَ لده وهو بيقول للناس أني مانعاه ولكن عمري ما أمنع ابني يشوف أبوه وابني مطلبش يشوف أبوه ولا أبوه طلب.
وأضافت بوسي أن طليقها لم يصرف على ابنهما نهائيا، متابعة: مش بيصرف عليه وأنا اللي متكفلة به من يوم ما اتولد حتى الآن.
ونفت بوسي، ذهابها لطبيب نفسي قائلة: المرض النفسي زي أي مرض وكلنا جوانا حاجات محتاجة دكتور نفسي وأكيد نفسي أروح لدكتور نفسي ولكن الدكاترة قليل لما تلاقي حد تثق فيه لكن عمري ما رحت لطبيب نفسي.
