محمود حافظ: فيلم أصل الحكاية بيناقش قضايا المجتمع بيخاف يقرب منها
كشف الفنان محمود حافظ، عن تفاصيل فيلم أصل الحكاية بطولة الفنانة شيري عادل وخالد الصاوي، وذلك تحت قيادة المخرج محمد أمين.
تفاصيل فيلم أصل الحكاية
وقال محمود حافظ خلال لقائه مع القاهرة 24: لما بسمع اسم المخرج محمد أمين موجود على أي عمل، بيكون شرف ليا أكون معاه أحب جدًا انضم له، تابعت كل أفلامه واشتغلت معاه قبل كده في فيلم 200 جنيه، وده اللي حمسني للمشاركة في فيلم أصل الحكاية.
وأضاف محمود حافظ: محمد أمين له نوعية خاصة في أعماله وكتاباته، بيناقش قضايا شائكة شوية بس مش بشكل فج.
وعن قصة فيلم أصل الحكاية، قال محمود حافظ: فيلم أصل الحكاية بيناقش قضايا شائكة والمجتمعات الشرقية بتخاف تتكلم عنها، ومعايا كاست كبير من الفنانين المتميزين، ومستمتعين بالعمل مع بعض.
محمود حافظ: مش بحب أستخف بعقل المُشاهد
كما كشف محمود حافظ سابقًا عن تصنيفه الفني، وتفضيله للقب ممثل كوميدي أم تراجيدي، وقال: أنا ممثل ونوعية العمل اللي بيجيلي هي اللي بتفرض عليا العمل ده رايح فين، مش شرط كوميدي، وفي أعمال لو الكوميديا تسمح فيها هعمل، لأني مبحبش أستخف بعقل المشاهد.
أبطال فيلم أصل الحكاية
فيلم أصل الحكاية بطولة الفنان خالد الصاوي، وشيري عادل، وعدد كبير من الفنانين، أبرزهم بيومي فؤاد، عابد عناني، هالة فاخر، يوسف عثمان، كريم عفيفي، محمود حافظ، محمد ثروت، علاء مرسي، محمد محمود، وآخرين، ومن إخراج محمد أمين.
