محمود ياسين جونيور: جدي كان بيتهاجم على موضة زمان زي القميص الشفاف دلوقتي
كشف الفنان محمود ياسين جونيور، رأيه في ظاهرة القميص الشفاف، والموضة الجديدة التي اجتاحت الوسط الفني مؤخرًا، مؤكدًا أن جده الفنان الراحل كان يتعرض لنفس الهجوم.
وقال محمود ياسين خلال تصريحات تليفزيونية: أنا بشوف أن الجمهور لما بيحب شخص بيبقى عايزه يبقى شبهه، ولما بيشوفه بيعمل حاجة مختلفة بيتضايق، في فنانين وأنا كمان ممكن أحتاج لـ ده، بيبقى عاوز يعمل ستايل لنفسه؛ لأن الشخصية اللي بتطلع بيها دي في حفلة مثلا مش شخصيتك الحقيقية.
وتابع: لكن الشخصية بتكون مواكبة للحالة، وساعات مبيفرقش معاهم ده إيجابي ولا سلبي، لكن أنا بيفرق معايا ويهمني الناس متتضايقش ومتفهم الآراء السلبية لحاجة زي دي.
وأشار محمود ياسين جونيور، أن مهاجمة الفنانين بسبب ملابسهم والموضة، أمر قديم، واجهه جده الفنان الراحل محمود ياسين، وقال: جدي في السبعينات كان بيلبس الموضة ساعتها، وكانت الأجيال الأكبر منه مستغربة ده وبيقولوا إيه السوالف والقمصان والبنطلونات دي، فكل فترة ليها الستايل بتاعها.
وعن ظهوره مؤخرا مع الفنان عمرو دياب بقميص شفاف مشابه لقميص الهضبة، قال محمود ياسين: الموضوع جه صدفة ودي حاجة تبسطني إني لابس زيه، لكن بحترم انتقادات الناس وبتقبلها، ولو حسيت إني لابس أو قولت حاجة معجبتش الجمهور، بكون حريص مكررهاش تاني.
آخر أعمال محمود ياسين جونيور
شارك محمود ياسين جونيور، في موسم رمضان الماضي 2023، من خلال مسلسل الكتيبة 101 بطولة الفنان عمرو يوسف، والفنان آسر ياسين، ومجموعة من الفنانين، وإخراج محمد سلامة.
