عشان الغلابة.. جزار يبيع كيلو اللحمة بـ 200 جنيه للمواطنين بالفيوم
شهد حي البارودية التابع لمحافظة الفيوم، إطلاق أحد الجزارين مبادرة لبيع اللحوم مع اقتراب حلول عيد الأضحى المبارك بأسعار مخفضة تصل إلى 200 جنيه للكيلو، تزامنا مع اقتراب عيد الأضحى المبارك.
مبادرة لبيع اللحوم بـ 200 جنيه للكيلو
وقال نصر، الجزار، لـ القاهرة 24 إنه أطلق تلك المبادرة من أجل تخفيف الأعباء عن كاهل المواطن في ظل ارتفاع أسعار اللحوم، مضيفا: عملت المبادرة عشان الناس الغلابة.
وأضاف، أنه خلال متابعته لرفع الجزارين أسعار اللحوم بسبب إقبال المواطنين على شراء اللحوم كعادة المصريين في عيد الأضحى المبارك، قرر أن يطلق مبادرة لتوفير اللحم العجالي البلدي بسعر 200 جنيه للكيلو.
العجول مذبوحة في المجزر الحكومي وبإيصالاته
وأضاف نصر صاحب المبادرة مطمئنًا زبائنه: العجول إللي بندبحها أعلى مستوى، نفسها بالضبط اللي بتتباع بـ280 للكيلو، أنا بقول للناس متشتريش غير لما تجربوها الأول، خدوا نص كيلو بس جربوه، وأنا متأكد إنها هتعجبكوا وترجعوا تاخدوا كميات منها.
وفسر نصر، فارق السعر الكبير بينه وبين منافسيه قائلا: مش لازم نكسب كتير في الكيلو، حطينا هامش ربح بسيط خالص وإن شاء الله هيعوضه البيع الكتير.
وردا على مخاوف البعض من أن تكون العجول المذبوحة كبيرة في السن قال نصر: العجول مدبوحة في المجزر الحكومي بالفيوم وبإيصالاته، والعجل الكبير بياخد ختم مربع مش مدور، وبندبح بقر مش جاموس، وبنسيب الديل في العجل عشان الناس تتأكد.
أرخص لحمة بلدي في مصر.. جزار يبيع كليو اللحمة بـ 200 جنيه للمواطنين بالفيوم
