فيفي عبده: شيرين عبد الوهاب بتغلط لأنها بشر.. ومعرفش محمد رمضان ربنا رازقه ليه؟
تحدثت الفنانة فيفي عبده، عن الفنانة شيرين عبد الوهاب، والفنان محمد رمضان، بعد الهجوم الدائم عليهما بسبب تصرفاتهما.
وقالت فيفي عبده في تصريحات تلفزيونية: شيرين عبد الوهاب المصرية الجدعة الجميلة، كونها بتقع فـ ده عشان إحنا بشر، والناس مش لازم الناس تلوم الفنان، لأنه بني أدم ومن حقه يغلط ويهزر، لأنه لازم يكون طبيعي.
وتابعت: الممثل مش هيقعد زي تمثال الشمع، لازم نكون طبيعيين، هي أكيد مش قصدها تغلط، وهي لذيذة ودمها شربات.
وتطرقت فيفي عبده، للحديث عن محمد رمضان، مؤكدًة أنه يمتلك قدرا كبيرا من حب الجمهور له، وقالت: محمد رمضان مهما تقولوا له، هو ربنا بيحبه ورازقه، مش عارفة ليه رازقه، بس منقدرش نقول ليه.
وأضافت: هو ربنا مديله نجاح ورزق وحب من الناس، أكيد عمل حاجة جميلة لأمه وأهله عشان كدة ربنا بيديله كل اللي هو في دلوقتي.
فيفي عبده: الحسد مدمرني
واستكملت فيفي عبده حديثها، مشيرةً إلى أنها تخاف من الحسد، قائلةً: مش بنزعج من التعليقات السلبية وبتعامل بطبيعية، وبخاف من الحسد طبعا وبيدمرني، أنا محبوبة جدا بس عايزة الناس ترحمني من الحسد شوية.
آخر أعمال فيفي عبده
يعد مسلسل شغل في العالي، آخر أعمال فيفي عبده، التي شاركت به في موسم رمضان 2022، وضم العمل عدد من الفنانين، أبرزهم الفنانة شيري رضا، بسمة داود، توني ماهر، محمد رضوان، مروان يونس، وآخرين، ومن إخراج مرقس عادل.
