والدة المجني عليه بدار السلام: ابني بين الحياة والموت وأنا عايزة حقه | فيديو
ابني "عاجز" وعمره 31 سنة وكان بيدافع عني ودلوقتي بين الحياة والموت، بهذه الكلمات بدأت والدة الشاب "أحمد" بمنطقة دار السلام حديثها لـ القاهرة 24، والذي تعرض لعدة طعنات متفرقة خلال مشاجرة على يد 4 أشخاص، حينما تدخل لفض الشجار بينهم وبين والدته دفاعا عنها، وأصيب بعدة طعنات متفرقة بالجسم منها ضربه في نصف الرأس، وأخرى تسببت في قطع أوتار يده وتهشم بالعمود الفقري.
مشاجرة شاب دار السلام
قالت والدة شاب دار السلام لـ القاهرة 24: ابني أحمد هيروح مني بسبب دفاعه عني، كنت لسه بفرش الخضار من العربية ووصلت عربية مصطفى "المتهم"، بيقوله شيل العربية، قاله مش هشيلها بعدها ضربني 6 أقلام على وشي، ابني بعدها مستحملش المنظر وجه يدافع عني لقي هجوم من عدة أشخاص وضربوه ودلوقتي بين الحياة والموت.
وتابعت والدة أحمد: ابني اتعرض للضرب المبرح خلال المشاجرة التي دارت بينه وبين المتهم، وابني أساسا "عاجز" مبيتحركش مسكوه 4 بالسكاكين ونزلوا فيه ضرب ولما شوفت المنظر فضلت أصوت ومحدش حاول يدافع عن ابني ولا حتى حد بص عليا.
وأكملت والدة المجني عليه حديثها والدموع تجري من عينيها: أنا عايزة حق ابني في الأيام المتفرجة مش عايزة حاجة غير حق ابني ده عاجز لا بيعرف يمشي ولا يتحرك ولا يروح ولا ييجي مش عايزة غير الحق.
