أنوشكا: محصورة في أدوار الأم.. وتركيزي الفترة الجاية على الغناء
تحدثت الفنانة أنوشكا عن سبب تركها الوسط الغنائي واتجاهها للتمثيل، مؤكدة أنها ستعود من جديد خلال الفترة المقبلة لتقديم الأغاني، بجانب الكشف عن إمكانية عودتها لتقديم البرامج مرة أخرى بعدما قدمت برنامج صالون أنوشكا.
وقالت أنوشكا في تصريحات تلفزيونية: أنا عارفة إني غايبة عن الغناء شوية، ولكن مغبتش عن الغناء كتير بدليل إني عملت برنامج صالون أنوشكا وكان فيه غناء كتير، وفعلًا اهتمامي هيبقى غنائي سنتين تلاتة، ولكن لما بيبقى عندي عمل درامي مبقدرش اتحرك لأننا بنشتغل 17 ساعة، ودي اللي بيخليني بعدت عن الغناء شوية، ولكن الغناء موجود.
وأضافت: أنا حاطة ايدي على قلبي علشان فيلم وش في وش، لأنه أول فيلم طويل سعيدة به لأنه هينزل كمان أسبوع ومخضوضة وكإني داخله امتحانات ثانوية عامة.
وتابعت أنوشكا: أنا مستنيه فيلم وش في وش، جدًا لأنه فيلم اجتماعي له مغذى عميق للغاية ولكنه حاطط إيده على نقاط أسرية مفيش بيت مافيهوش الموضوع ده، ودايمًا حصرني في دور الأم وأنا بعتبر الأم دي هي الوتد والأساس لمستقبل قوي.
أما عن إمكانيتها عودتها لتقديم البرامج التلفزيونية، فعلقت أنوشكا قائلة: أنا بعتبر أن كرسي المذيع مش كرسي سهل أبدًا، واتعلمت من أبويا إني أبص للي في إيدي مش في اللي في إيد غيري، وكل واحد ربنا كارمه بقدرات معينة.
آخر أعمال أنوشكا
وعلى جانب آخر، تعيش أنوشكا حالة من النشاط على المستوى الفني، حيث شاركت في العديد من الأعمال الفنية التي حققت نجاحا كبيرا كان آخرهم مسلسل الأجهر.
