شيري عادل عن الزواج من نفس مجالها: طارق صبري واقف في ضهري
كشفت الفنانة شيري عادل، رأيها في فكرة زواج المرأة لرجل من نفس مجال عملها، بعد تجربىة زواجها من الفنان طارق صبري، مؤكدةً أنه زوج داعم ومشجع.
وقالت شيري عادل خلال لقائها مع القاهرة 24: ممكن اتنين متجوزين يكونوا في نفس المجال، بس مش بيشجعوا بعض، بس طارق بيشجعني جدا وبيساعدني، وواقف في ضهري جدا وعايزني أبقى أحسن.
وتابعت: ده مبهر بالنسبالي جدا، وهو دايما مهتم إنه يشوفني أحسن، وبيدفعني لقدام، ويفضل يقنعني بالشغل لأني مترددة جدا في قبول أي عمل وهو بيقولي قدمي للناس أعمال.
شيري عادل: مباركات الجمهور كمّلت فرحتي بزواجي من طارق صبري
على جانب آخر، كانت شيري عادل، أعربت عن سعادتها بتعليقات الجمهور حول خبر زواجها من طارق صبري، مؤكدةً أن مباركاتهم لها أكملت فرحتها، وقالت: مباركات الجمهور ليا على السوشيال ميديا والتفاعل اللي حصل وقت زواجي من طارق صبري، كانت أحلى حاجة حصلتلي.
وأضافت: اعتبرت إن فرحتي جت من تعليقاتهم، إحنا معملناش احتفال أو فرح، فـ فرحتي كملت بتعليقاتهم، وعمري ماهنسى ده؛ لأن تأثيره عليا كان حلو جدًا.
أعمال شيري عادل
على الجانب المهني، تواصل شيري عادل حاليًا، تصوير فيلم أصل الحكاية، الذي يشارك في بطولته كل من: الفنان خالد الصاوي، إيمان السيد، محمد محمود، محمد ثروت، يوسف عثمان، كريم عفيفي، محمود حافظ، عابد عناني، علاء مرسي، هالة فاخر، حمزة العيلي، ومن تأليف وإخراج محمد أمين.
