محمود حافظ: كنت بنام جنب سور الأكاديمية.. والجمهور مش بيشوف غير اللقطة الأخيرة في حياتك
علق الفنان محمود حافظ، على تعليقات الجمهور الدائمة، حول أن المشاهير يمتلكون أموالًا وقصورًا، ولا يعانون مما يعاني منه بعض طبقات المجتمع، من فقر وسوء الأحوال المادية.
وقال محمود حافظ: ليه الناس مش بتراعي بداية الرحلة لكل ممثل، أنا مثلا من المنصورة، وكان حلم عمري أكون ممثل، ووأنا طالب كنت ببقى قاعد في المحاضرة بفكر هنام فين النهاردة.
وتابع: وطبعا كنت كبرت فـ واجب عليا إني أساعد أهلي مش أخد منهم، فكنت بكافح بنفسي وبشتغل، وبروح أعمل حلقة أو مشهد أو إعلان، عشان أعرف أصرف على نفسي وعلى سكني، وعشان مقولش لحد إديني.
وأضاف محمود حافظ: فـ الحمد لله من البداية وأنا بكافح، لكن الناس مش بتشوف غيراللقطة الأخيرة في حياتك، مش بيفكروا إني كنت نايم جنب صور الأكاديمية، فـ بقولهم متاخدوش الناس بالظاهر، وأكيد ربنا مش بيدي كل حاجة لكل واحد، فنقول الحمد لله على حالنا.
محمود حافظ: إيه اللي حرّم الفن؟
وكان كشف محمود حافظ، رأيه في الحديث المتداول مؤخرًا، عن حرمانية الفن، وقال: إيه اللي حرّم الفن؟ الحمد لله إحنا بنتعب جدًا في شغلنا ومبنعملش أي حاجة فيها محرمات تغضب ربنا، لكن الناس علشان مشافتناش على حقيقتنا في شغلنا، بيقولوا أي حاجة ورا الشاشات.
وتابع: زي السوشيال ميديا يشتموا فينا، بتشتموا فينا ليه؟ إحنا بشر وبنزعل وبنفرح وعندنا أولاد وأسر.
فيلم أصل الحكاية
على الجانب المهني، يواصل محمود حافظ، تصوير مشاهده في فيلم أصل الحكاية، المقرر عرضه قريبًا، ويشارك في بطولة العمل عدد من الفنانين، أبرزهم الفنان خالد الصاوي، شيري عادل، وآخرين.
