مسلسل عايش.. كريم عفيفي: مكنش فيه مخاطرة من تقديم جزء تاني لـ رمضان كريم
تحدث الفنان كريم عفيفي، عن الجزء الثاني من مسلسل رمضان كريم، الذي أكد على أنهم لم يتخوفوا من تقديمه، بعد عدد سنوات طويلة من الجزء الأول منه.
وقال كريم عفيفي، خلال حواره مع القاهرة 24: متخوفناش من تقديم الجزء التاني من رمضان كريم بعد 6 سنوات من عرض الجزء الأول، لأن الجزء الأول عايش بشكل كبير جدًا.
وتابع كريم عفيفي: القنوات كلها تقريبا بتعرض المسلسل كل سنة قبل رمضان، والناس بتشوفه وبتتابعه، فـ المسلسل عايش معاهم، فـ لو اتعمله جزء تاني الناس منسيتهوش كدة كدة، فمكنش في مخاطرة.
كريم عفيفي: شخصية جمال موجودة في كل عيلة
وسبق وتحدث كريم عفيفي، عن شخصية جمال، التي جسدها في مسلسل رمضان كريم بجزئيه الاثنين، وقال: شخصية جمال في رمضان كريم دي شخصية موجودة وبنشوفها كلنا مش أنا بس، في كل عيلة هتلاقي شخص مبوظها زي جمال كده، ومينفعش يكون في العيلة.
مسلسل رمضان كريم 2
يضم مسلسل رمضان كريم، عدد من الفنانين، أبرزهم الفنان سيد رجب، سلوى عثمان، بيومي فؤاد، نجلاء بدر، محمد لطفي، وآخرين، ومن إخراج سامح عبد العزيز.
كريم عفيفي يكشف مصير مسرح مصر
كما كشف خلال حواره، مصير مسرح مصر، بعد غياب سنوات، حيث حسم عدم عودته، مؤكدًا أنه مشروع انتهى تمامًا، وقال: مسرح مصر مشروع فني نجح جدًا في الفترة الأخيرة، ومن أنجح المشاريع الفنية في آخر 10 سنين اللي فاتوا، ولكن خلاص مفيش مسرح مصر تاني للأسف وعيشوا بقى على الحلقات القديمة.
