شقيق ضحية الهرم بالتحقيقات: نسايبي رفضوا يدوني مراتي ولما خدتها بالقوة خلصوا على أخويا
أمام الورشة التي يعمل بها كان يجلس سيد عبد اللطيف بـ الهرم، لكنه فوجئ بأشقاء زوجة شقيقه يعتدون عليه بأسلحة بيضاء؛ بسبب خلافات مع شقيقه الذي توجه إلى منزلهم قبل ارتكاب الواقعة واصطحب زوجته بالقوة، وحصل القاهرة 24 على نص التحقيقات في القضية التي حملت رقم45598 لسنه2022 جنح الهرم.
مقتل شاب على يد 4 أشخاص بالطوابق
وأمام جهات التحقيق وقف شقيق المجني عليه يروي تفاصيل بداية الواقعة وأسباب التعدي على شقيقه من قبل أشقاء زوجته وإنهاء حياته قائلا: اللي حصل إن مراتي كانت غضبانة عند أهلها وروحت أجيبها من شهر ونص تقريبا في الحرجة مركز ناصر بني سويف، ولما روحت أجيبها من هناك لاقيت إخواتها رافضين إنها ترجع معايا وضربوها على ضهرها، لكن أنا اخدتها بالقوة من وسطهم.
وأردف شقيق المجني عليها في التحقيقات: تاني يوم لقيتهم جايينلي عند العمارة اللي بحرسها وضربوني بكتر تحت عيني وعملنا تقرير طبي بالحالة، وروحنا عملنا محضر في القسم، وبعدها بحوالي أسبوعين لقيت مرات أخويا بتكلمني على الموبايل بتقولي إن إخوات مراتي جم تاني لأخويا من البلد راكبين تروسيكل هم الأربعة وعند الورشة اللي شغال فيها، ونزلوا ضربوه بالشوم والمطواة في بطنه جابت دم وأخدوه على مستشفى الهرم.
وأكمل شقيقة ضحية الطوابق: أول ما وصلت قالي إن نسايبي هم اللي ضربوه وبعدها على طول دخل غرفة العمليات وخرج مش قادر يتكلم وحاطينه على جهاز تنفس صناعي وغايب عن الوعي، وإمبارح كلموني من المستشفى قالولي إنه اتوفى وبس ده كل اللي حصل.
