هنا الزاهد: بحس بأمان وأنا مع أحمد فهمي.. وفيلم مستر إكس هيناسب كل العيلة
تحدثت الفنانة هنا الزاهد، عن فيلمها الجديد مستر إكس، معربة عن سعادتها بالتعاون مع زوجها الفنان أحمد فهمي، وفريق العمل بأكلمه.
وقالت هنا الزاهد خلال حوارها مع القاهرة 24: بحب أوي الشغل مع أحمد فهمي وهو مجتهد أوي وممثل ومؤلف شاطر، وبحس إني في أمان وأنا معاه وما بكونش شايلة هم حاجة.
وكشفت هنا الزاهد، كواليس التعاون مع فريق عمل فيلم مستر إكس، قائلة: هما كلهم صحابي أوس أوس ومحمد أنور وبيومي فؤاد ومحمود حافظ ورحاب الجمل، حبيتهم كلهم وكمان كنت أعرفهم من قبل كدة، فكنا متحمسين وإحنا بنعمل الفيلم وسافرنا مع بعض.
هنا الزاهد توجه رسالة للجمهور
وأضافت هنا الزاهد، موجهة رسالة إلى جمهورها، بمناسبة طرح فيلم مستر إكس، وقالت: بقول للجمهور إنهم هيشوفوا فيلم حلو أوي وكوميدي، يناسب كل العيلة الأطفال والكبار، ومفيش حاجة ممكن تضايق حد، وفي ضيوف شرف كتير الناس بتحبهم هيظهروا، والقصة حلوة ويارب تعجبهم.
فيلم مستر إكس
يشارك في بطولة فيلم مستر إكس، عدد من الفنانين، إلى جانب الفنان أحمد فهمي، أبرزهم هنا الزاهد، بيومي فؤاد، محمد أنور، رحاب الجمل، صبري فواز، أوس أوس، محمود حافظ، وآخرين، ومن تأليف وإخراج أحمد عبد الوهاب.
مسلسل سيب وأنا سيب
على الجانب الدرامي، تنتظر هنا الزاهد، عرض مسلسل سيب وأنا سيب، قريبًا، ويشارك في بطولة العمل كل من: آية سماحة، أحمد السعدني، محمد جمعة، وغيرهم، ومن إخراج وائل إحسان.
