خالد سليم: فنانين كتير خذلوني وقت مرضي.. ومش هعمل زي تامر حسني في فيلم بحبك
كشف الفنان خالد سليم رأيه في تجربة الفنان تامر حسني بإخراج وتأليف فيلم بحبك، كما أعرب عن استيائه من مجموعة من أصدقائه الذي تخلوا في وقت مرضه.
وقال خالد سليم، خلال تصريحات تليفزيونية: وجه نظر العين الواحدة غلط، ومش ممكن أعمل زي تامر حسني، وأنا كده هدي حقوق الناس إزاي المخرج والمؤلف، وده غلط، ودي وجهة نظري، ومقدرش أحكم على تامر حسني، والموضوع بشكل عام غلط، ولازم يبقى فيه آراء تانية، لازم ناس يبقى لها خبرة، ومشوفتش فيلم بحبك، وأعتقد إنه محققش نجاحات أفلام تامر.
وأردف خالد سليم: فنانين كتير خذلوني في وقت مرضي، وميهمنيش خالص، ولما مريت بالفترة دي وحصل كده من أكثر من حد، المشكلة في الفن من قلة ونفسيات الناس، وفيه حاجات بتتحكم في مشاعرنا لا إرادية، وممكن تحصل شوية حاجات مش هتفرق معايا، مش بيقولوا أعرف صاحبك وعلم عليه، وهما عارفين نفسهم، وهما كتير ومكنتش متخيل، والناس ديه في الحاجة الحلوة مش بتقول رد فعلها، ولما الواحد وقع كلهم اتريقوا.
آخر أعمال الفنان خالد سليم
وكانت آخر أعمال الفنان خالد سليم، هي مشاركته في حكاية جروب الماميز، من بطولة: دينا فؤاد وانتصار وحجاج عبد العظيم ووليد فواز ونورهان وهبة عبد الغني ويوسف إسماعيل وهشام الشاذلي ورباب ممتاز وأماني كمال.
ومؤخرًا، احتفل خالد سليم بتخرج نجله، وذلك خلال حسابه الرسمي بموقع الصور والفيديوهات إنستجرام، قائلًا: النهاردة.. كان يوم مميز جدًا ليا.. اختلطت مشاعري بشكل غريب.. بشكل عمره ما حصلي في حياتي كلها.. رغم إني ممكن في ألبوم واحد أغني أكتر من حالة ومشاعري تكون مختلفة مع كل لحن.. أو إني أدخل في فيلم أو مسلسل والشخصية يكون فيها اختلاف في المشاعر في كل مرحلة.
