محمد رمضان: الحظ 1% فقط من النجاح لأنه زي الألماظ.. وأتمنى أعمل دويتو مع محمد عبده
أعرب الفنان محمد رمضان عن حبه الكبير لوالدته، كما تحدث على الأزمات العديدة التي مر بها بمشواره الفني.
وقال الفنان محمد رمضان، خلال تصريحات تلفزيونية: الحظ 1% فقط من النجاح لأن قيراط حظ ولا فدان شطارة وهو زي الألماظ، ومريت بأزمات في مشواري الفني لكن عمري ما رفضت أشتغل مع ممثل محدد، رغم أن ممثلة قديرة قالت أنها متقبلش تكون أمي في أي عمل.
وتابع محمد رمضان: الموهبة مهمة جدا ولكنها مش 100% ومتقسمة في الفن وبتتقسم إلى اختيار المشروع وكيفية صنع المشروع والتسويق والذكاء 50% والجمال 10% والكاريزما 15%ـ والحظ 1% لأن قيراط حظ ولا فدان شطارة وهو زي الألماظ والموهبة 25%
محمد رمضان: بحب كل حاجة في دبي
وعن حبه الكبير لدبي، قال الفنان محمد رمضان: أنا بحب كل حاجة في دبي وشهادتي مجروحة فيها ولما بصور كليب الحكومة بتوفر لنا كل حاجة، وأتمنى أعمل ديو مع محمد عبده وهيكون مشروع للتاريخ، بشكر حكومة الغمارات لأن شهداتي مجروحة فيها ووفروا لنا كل حاجة لأني كنت بصور ب دبادبة وبحب كل دبي
واستكمل محمد رمضان: هعمل ديو مع محمد عبده لأنه هيبقى مشروع للتاريخ، وحافظ أغاني خليجية كتير، وبتكلم خليجي شوية.
محمد رمضان: قبضت 50 جنيه بمسرحية في المدرسة بطولة علا رامي
واختتم محمد رمضان: شاركت في مسرحية في المدرسة بطولة علا رامي وقبضت 50 جنيه، وأول مرة غنيت في المسرح وقولت إني نجم لما عمر الشريف قال إني هكمل مسيرته، واتصدمت لما اترفضت من معهد التمثيل وقالوا لي إني غير لائق، واللي وقفت جنبي أمي، ويا رب أقدر اسعدها وتفضل فخورة بيا وهي بتفكرني لما اترفضت عشان تقولي بص ربنا بيعمل إيه.
