ياسمين صبري: لازم الدور اللي أقدمه يكون شبه الأخلاقيات اللي بمثلها في أفلامي
أكدت الفنانة ياسمين صبري أن لديها شروط خاصة للموافقة على الأعمال الفنية التي تشارك بها، إذ أشارت إلى أنها تحرص دائمًا أن تقدم عملًا يليق بالأسرة المصرية، ولا يخدش حيائهم مثل الأعمال التي قدمتها من قبل.
وقالت ياسمين صبري خلال تصريحات تلفزيونية لها: أنا أهم حاجة عندي الجمهور يكون مبسوط وسعيد ومرتاح وهو بيتفرج، لازم الدور يكون شبهي من ناحية الحاجات اللي بمثلها أخلاقيًا، وكل أفلامي كده، الفيلم العائلي كل العائلة تدخل تتفرج عليه، وخلاص دلوقتي بقا معروف عني كدة فمفيش حاجة بتجيلي غريبة.
وتابعت ياسمين صبري: مش بفكر في المنافسة إطلاقًا، بتمنى كل الخير للأفلام اللي نازلة معانا، يهمني يكون المشاهد عنده خيارات كتير يشوفها، وعنده أفلام يروح بيها مع عائلته والأطفال والأحفاد.. وسعيدة بمشاركتي في فيلم البعبع مع أمير كراة، لأنه فنان حقيقي وحساس ومحترم وبيتعب جدًا في شغله.
وفي السياق ذاته، كانت كشفت ياسمين صبري، أسباب مشاركتها في فيلم البعبع الذي تعاونت فيه مع أمير كرارة ويعرض حاليًا في السينمات، حيث قالت في لقائها مع القاهرة 24: حدوتة الفيلم شجعتني، وبعمل شخصية صيدلانية غلبانة بتشقى وعايزة تبقى حاجة، وقابلت سلطان -أمير كرارة- وتبهدلت معاه.
جدير بالذكر أن ياسمين صبري شاركت في فيلم البعبع بجانب الفنان أمير كرارة، عدد من الفنانين، أبرزهم: محمد عبد العظيم، رحاب الجمل، باسم سمرة، محمد عبد الرحمن، والفيلم من تأليف إيهاب بليبل، وإخراج حسين المنباوي.
