أنا مش عبقري تمثيل ولو شُفت عادل إمام بقف أترعش.. أبرز تصريحات أمير كرارة مع منى الشاذلي
حل الفنان أمير كرارة، ضيفًا على الإعلامية منى الشاذلي، في برنامجها معكم، وتحدث خلال الحلقة عن فيلمه الأخير البعبع، الذي يعرض حاليًا في السينمات، كما تحدث عن أعماله السابقة، وعن علاقته بأولاده.
ونستعرض في هذا التقرير.. أبرز تصريحات أمير كرارة مع منى الشاذلي:-
-أول مرة أعمل عمل كوميدي كان فيلم البعبع فـ كنت مرعوب في الأول.
-أنا والمخرج بيتر ميمي وش السعد على بعض ومسلسل كلبش كان سلمة كبيرة في حياتنا.
-أقرب حد ليا في حياتي ولادي وهما بصحابهم كلهم أنا اللي مربيهم وهما شلتي اللي بستمتع بيهم وأنا بابا نويل بالنسبة لهم.
-أنا انبهرت لما روحت إمبابة أصور فيها وقولت إزاي مجتش هنا قبل كده.
تصريحات أمير كرارة مع منى الشاذلي
-الاختيار 1 كان تجربة عظيمة والمنسي نفسه أثّر فيا وغيّر في شخصيتي وطريقتي مع الناس في الكلام.
-لحد النهاردة لو شوفنا أستاذ عادل إمام بنقف بنترعش.
-أنا ابن ناس شوية وكنت بدخل سينما روكسي وأنا صغير.
-الأفلام اللي كنت بدخلها وأنا صغير في العيد أفلام عادل إمام.
-أهالي إمبابة متعاونين والتزموا بتوجيهات المخرج حسين المنباوي.
-أنا مش عبقري تمثيل وفيه أحسن مني مليون مرة.
-الشنب بطل في حياتي وأنا شكرته قبل كده ساعة كلبش ومعرفش ليه الشنب بتاعي علق مع الناس.
فيلم البعبع
يشارك في بطولة فيلم البعبع، عدد من الفنانين، إلى جانب الفنان أمير كرارة، أبرزهم ياسمين صبري، محمد عبد الرحمن توتا، محمد أنور، وآخرين، ومن إخراج حسين المنباوي.
