هاني عادل: ليه الشتيمة في الراب عادي والمهرجانات لأ؟.. في أغاني مش هيتعبر عنها غير بالشتائم
وجه الفنان هاني عادل سؤالا لمتابعيه يتساءل فيه عن سبب انتقاد تقديم الألفاظ الخارجة في الأغاني والمهرجانات، على عكس تواجدها في أغاني الراب والأعمال الأجنبية، مؤكدا على أن هناك أعمال فنية تحتاج لتلك الألفاظ للتعبير عن المشاعر، حسب قوله.
وكتب هاني عادل منشورًا، عبر حسابه الشخصي بموقع التواصل الاجتماعي فيسبوك، قال فيه: ليه الشتيمة والألفاظ في الراب عادي والمهرجان والأغاني العادية مش عادي، ليه الشتيمة والألفاظ في الأفلام الأجنبية اللي بتوافق عليها الرقابة عادي، والشتيمة في الأفلام المصري مش عادي؟.. ده ليه؟ هو الشتيمة لو جايه من حد بيلبس شيك أو بالإنجليزي تفرق عن واحد شعبي وبيتكلم مصري من الشارع أو بيغني؟.
وتابع هاني عادل: محتاج أفهم فعلًا محتاجين نعرف برضه، إن فيه مشاعر في الأغاني والأفلام مش هيتعبر عنها إلا كدة، هتقولي والأطفال هقولك عيالك يعرفوا شتايم من قباحتها مش يوصلك معناها أصلًا، وابقى احترم أنت وعيالك لما بيتكتب على السينما فوق 18، وفيه محطات راديو بفلوس برضه في العالم كله فوق 18.. هي أسئلة كتير بس أتمنى يكون ليها إجابة.
هاني عادل: ليه الشتيمة في أغاني الراب عادل والمهرجانات لأ
وفي سياق آخر، كان شارك هاني عادل في مسلسل بنون، المقرر عرضه قريبًا عبر إحدى المنصات الإلكترونية، وتجرى أحداث العمل في إطار جريمة تشويقي، ومكون من 6 حلقات كل حلقة مكون من 30 دقيقة، وتعاون فيه الفنانة بسنت شوقي، محمود حجازي، هيا فياض، يارا عزمي، رشا بن معاوية، محمد نبيل، رانيا الملاح، مريم سعيد صالح، ميريت عمر الحريري، محمد حسيب، والعمل من تأليف محمود محرم ورفيق القاضي وقصة أسامة حسام الدين، وإخراج أسد فولادكار.
