حسام داغر: إيهاب أبو زيد مبطلش رن عليّ لما كنت في العناية.. قلبي هيقف من خضة وفاته
نعى الفنان حسام داغر المخرج إيهاب أبو زيد، الذي وافته المنية صباح اليوم، بعد تعرضه لأزمة قلبية مفاجئة، أدت إلى وفاته، حيث طلب داغر من محبيه الدعاء للراحل بالرحمة والمغفرة ولأسرته بالصبر السلوان.
وكتب حسام داغر منشورًا، عبر حسابه الشخصي بموقع التواصل الاجتماعي فيسبوك، قال فيه: أنا قلبي هيقف من الخضة، معقول بيساطة كده أنام واصحى الاقيك مشيت يا إيهاب! ده أنا تليفوني وتليفون أخويا مبطلش رن منك وأنا في المستشفي في العناية، لحد ما أنا خرجت وسمعت صوتي، وقلت لي أنا كدة اطمنت عليك.. ده لسه في أحلام ومشاريع كتير بتفكر فيها سوا.
وتابع حسام داغر: ببساطة كدة أزمة قلبية مفاجئة، ده أنت أكتر واحد كنت متحمس لمشروعي دكتور داغر، وكنت هتشرف فيه على الإخراج مع علي وأنت المخرج الكبير المدير القائد، مفكرتش لحظة متقفش جمبنا، فاكر أنت أول واحد كنت واثق فيا، وموهبتي وادتني بطولة في راديو ستار سنة 2005، وأقنعت بيا علي رجب بعدك لما كمل المسلسل.. لاحول ولا قوة الا بالله ايهاب الاخ الكبير الغالي المحترم في ذمة الله.
حسام داغر ينعى إيهاب أبو زيد
وأضاف حسام داغر: ربنا يصبرك يا آدم يا حبيبي أنا لقيت ميسد منك الفجر، وأنا نايم أكيد كنت عاوز تبلغني الي حصل لبابا، ربنا يرحمك يا حبييي، قلبي هيخرج من مكانه من ضرباته من خضتي عليك، يا رب تكون في مكان أحسن يا ابن الاصول، ياما حكتلي عن باباك الأستاذ أحمد أبو زيد مدير الإذاعة المصرية زمان، وتعلقك الشديد به.. هو في انتظارك ياخذك في حضنه بعيد عن دوشة الدنيا وقلقها.. الله يرحمك يا حبيبي الله يرحمك يا إيهاب.
