متأثرا بحادث القرش.. مسئول إنقاذ يثير الرعب ويطلب من الجميع ترك الشاطئ
روى دكتور خالد حبيب، على صفحته الشخصية فيسبوك، أحد المواقف الكوميدية التي تعرض لها أثناء جلوسه على أحد الشواطئ المصرية، والذي كان ناتجا من الخوف الشديد الذي ينتاب المصريين بعد حادث القرش في الغردقة.
سمكة تونة
وقال الدكتور خالد حبيب في بوست كتبه على فيسبوك: واحد من بتوع الإنقاذ على البحر جري فجأة، وطلب من كل الناس يطلعوا من البحر، ونادى سمكة قرش، في لحظات الناس كلها خرجت، الأطفال كلهم صراخ وحماس، سمكة قرش.. سمكة قرش.
وأضاف: الناس الّلي طلعت برّه الميّة ما راحتش بعيد قوي، فورا كلهم كتبوا على الفيس بوك وحطّوا صور وتعليقات اثارة وتشويق، في لحظات كل الناس رجعوا تاني على البحر واحدة عندها شهامة طلعت جري على الشاطئ الّي جنبنا، تبلغهم يطلعوا، مش هنسيبهم يموتوا واحنا نعيش، اتنين من بتوع الإنقاذ ركبوا چت سكي وبدأوا يطاردوا السمكة، وهي بتعوم موازية للشاطئ.
وتابع: الشعب كله بيجري امتداد الشاطئ بيضربوها في الميّاه، واحد متحمس وأكيد خبير في الأسماك انفعل، وقال: يعني هنسيبه كده، فضلوا ورا السمكة لغاية ما مسكوها، الله اكبر، حماس منقطع النظير..طلعت سمكة تونة، ولكن حواليا الناس بيقولك دي طبعا قرش، أنا عارف كلنا خبراء سمك وياما اصطادنا تونة، الفيديوهات مالية الإنترنت خلاص.
