الفنانة لطيفة: والدتي قررت إني مش هغني بالأفراح.. وكان هيغمى عليا لما شوفت بليغ حمدي
كشفت الفنانة التونسية لطيفة كواليس مقابلتها لـ الموسيقار بليغ حمدي، وسبب عدم إحيائها أي حفل زفاف أو ملهى ليلي.
وقالت الفنانة لطيفة، خلال لقائها في برنامج معكم للإعلامية منى الشاذلي: مش هغني في الأماكن دي، مع احترامي لكل الناس، ده موجود في تربيتي وأنا صغيرة، ولما اتشهرت في تونس عندنا ثقافة إنك تغني في الأفراح، وقتها كنت صغيرة على ده، كنت بروح بالأتوبيس.
لطيفة: أول ما اتشهرت كان فيه طابور عريبات قدام بيتي
وأردفت لطيفة: مرة اتشهرت وخدت جائزة أحسن صوت، لقيت والدتي بعتالي شقيقي بتقولي خليكي في بيت عمك لغاية ما أقولك تعالي، علشان كان فيه طابور من العربيات قدام بيتنا، ناس بتتفق علشان أغني في أفراحهم، ووالدتي أخدت قرار إني بنتها مش هتستهلك طاقتها في الأفراح، وخافت على مستقبلي الدراسي.
وعن كواليس مقابلتها لـ بليغ حمدي، قالت لطيفة: أول مرة آجي فيها مصر، قابلت بليغ حمدي في الزيارة دي، وكانت مفاجأة لي، ومن أنا طفلة بغني لبايغ حمدي وقابلته في عشاء، كان هيغمي عليا أول ما شوفته، وغنيتله أغنية تفرح يا قلبي علشان طبقة الصوت، وبعد أول جملة قام وراح للتليفون، وجه قالي عارفة أنا قومت ليه، علشان بعت السواق يجيب الأستاذ عبد الوهاب محمد، وكان فيه قعدة ثلاثية.
