عابد عناني: الشارع هو الأساسي في معرفة رجع الصدى
كشف الفنان عابد عناني، عن كيفية معرفته لردود فعل الجمهور حول أعماله، مؤكدًا أن السوشيال ميديا ومقابلة الجمهور في الشارع، هما طريقتان مهمتان في معرفة رجع الصدى.
وقال عابد عناني، خلال حواره مع القاهرة 24: بتابع جدا ردود الفعل على السوشيال ميديا، بالذات في الأعمال اللي ببقى مش فاهم الناس هتستقبلها إزاي، بس ده لا ينفي إن الشارع طبعا هو الأساسي.
وتابع: الواحد ساعات بيحس إن أعمال مكسرة الدنيا على السوشيال ميديا بس تتكلم مع الناس تلاقيهم مش عارفينها والعكس صحيح، بس السوشيال ميديا بتبقى أقرب لأن مش دايما بيبقى عندنا رفاهية إننا ننزل ونشوف الناس ونسألهم.
وأضاف عابد عناني: الناس ساعات رد فعلهم بيكون له علاقة بإنهم قابلوك فلازم يجاملوك ويقولوا كلام حلو، لكن على السوشيال ميديا الناس بتقول اللي هي عيزاه، فبهتم جدا أتابع ردود أفعالهم.
أعمال عابد عناني
على الجانب المهني، يواصل عابد عناني، تصوير مشاهده في فيلم أصل الحكاية، بطولة الفنان خالد الصاوي، ويجسد خلال أحداث العمل، شخصية رجل مسرحي.
ويشارك في بطولة العمل عدد كبير من الفنانين، أبرزهم شيري عادل، إيمان السيد، عابد عناني، محمد ثروت، يوسف عثمان، بيومي فؤاد، كريم عفيفي، محمود حافظ، وغيرهم، والعمل من تأليف وإخراج محمد أمين.
مسلسل ستهم
وشارك عابد عناني، في موسم رمضان الماضي 2023، من خلال مسلسل ستهم، بطولة الفنانة روجينا، إياد نصار، نانسي صلاح، ومن تأليف ناصر عبد الرحمن، وإخراج رؤوف عبد العزيز.
