أجرى 8 عمليات جراحية.. أم تستغيث لتركيب عين صناعية لنجلها بعد انفجار الأصلية إثر حادث: بقالي 6 سنين بجري بيه
يسعى العديد من الشباب لكسب رزقهم في سن صغير، محاولة منهم لمساعدة أهاليهم في تكاليف المعيشة، فاتجه مؤمن محمد، هذا النهج، منذ أن كان عمره 14 عامًا، لكنه لم يعلم حينها أنه سيقفد عينه، إثر تعرضه لحادث أليم، خلال تأدية عمله بالقاهرة.
انفجار العين إثر حادث بالعمل
وقعت آلة حادة على عين مؤمن، تسبب في انفجارها، خلال عمله بالأسقف المعلقة، كان الصغير لم يتجاوز حينها الـ 14 عامًا.
تقول والدة مؤمن لـ القاهرة 24: ابني بقى عنده 20 سنة، وبقالي 6 سنين بجري بيه، وعمل لحد دلوقتي 8 علميات في عينه.
تفاصيل الحادث
عند وقوع الحادث، اتصل صديقه بأخيه ليخبره بما حدث لشقيقه، لم تعلم الأم حينها أن الحادث بحجم انفجار العين، موضحة: كنت فاكرة إن في حديدة صغيرة في عينه من الشغل، لحد ما روحت المستشفى وشوفت عينه انفجرت، وصاحب الشغل تبرأ منه وسابه.
بدأت رحلة الأم بنجلها منذ 6 سنوات، وأجرى العديد من العمليات الجراحية، وتمكن الأطباء من تركيب أكثر من مرة قرنية له، إلا أن صلاحية القرنية لن تدوم طويلًا.
8 علميات جراحية و3 عدسات
تستكمل الأم: ركبنا أول قرنية، وكانت كويسة وناجحة، لكن وقع من على السلم، والقرنية باظت، بعد كده ركبنا عدسة وبعد سنة ونص من نجاحها فشلت.
نفسي ابني يرجع يشوف
خلال تركيب العدسة الثالثة، أجريت العملية الجراحية بـ 25 غزرة، مما أدى إلى شعور مؤمن بصداع شديد، مع تورم العين، ونتيجة لذلك أصيبت العين بقرحة، حتى فشلت العدسة الثالثة.
أكدت الأم أن تكلفة تركيب القرنية كبيرة للغاية، مستغيثة: نفسي ابني يرجع يشوف تاني، بقى عنده 20 سنة دلوقتي، ومش عارفة لا يكمل تعليمه ولا يتشغل..محتاج عين زي اللي اتركبت للبلوجر سارة محمد.
