نهاد أبو القمصان تسخر من أسعار الساحل الشمالي: كوباية الشاي بـ 150 جنيها وقعدت أشربه وأنا بعيط
تحدثت المحامية والناشطة الحقوقية نهاد أبو القمصان عن أسعار المنتجات المبالغ فيها بـ الساحل الشمالي، وذلك في فيديو جديد لها عبر تطبيق تيك توك.
نهاد أبو قمصان تسخر من أسعار الساحل الشمالي
وسخرت المحامية والناشطة الحقوقية نهاد أبو القمصان من أسعار المشروبات في الساحل الشمالي قائلة: إمبارح أصحابي عزموني على مكان بالساحل جميلة جدًا وزحمة جدًا، وبصيت على منيو المكان لقيت الشاي بـ 150 جنيها، والصراحة كنت عاوزة شاي بـ لبن فخوفت إن سعره يوصل لـ 1000 جنيه وقعدت أشرب الشاي وأنا بعيط.
وتطرقت نهاد أبو قمصان إلى شكاوى الناس من أسعار الساحل الشمالي المبالغ فيها قائلة: الناس إلى بتشتكي من أسعار الساحل الشمالي متروحش أو متشتكيش من الأسعار، لأن أصحاب العقارات بالساحل شارينها بـ 50 أو 100 مليون جنيه، فمش هيفرق معاه 150 جنيها.
مشاهير وفنانين يشتكون من أسعار الساحل الشمالي
وهذه ليست المرة الأولى التي يشتكي البعض من أسعار الساحل الشمالي، فمنذ أيام انتقدت الفنانة جوري بكر الأسعار المبالغ فيها بمنطقة الساحل الشمالي.
وكتبت جوري بكر عبر خاصية استوري على حسابها بموقع تبادل الصور والفيديوهات القصيرة إنستجرام: الموضوع كبر وكويس اني فتحت عين الناس على حاجات كتير بتحصل كان بالنسبالي الموضوع مش هزار على فكرة، واللي بتنقدني وبتقول إيه يا فنانة ما تدفعي ولو معكيش متروحيش، لأ مش هدفع أنا إزازة مياه بالسعر ده ولا ساندويتش برجر بـ 375 جنيها ولا قهوة وعلى فكره دي مش مياه بس ده أكل وشرب ولبس ارحموا من في الأرض يرحمكم من في السماء.
