ما حكم تأخير التطهر من الجنابة؟.. أمين الفتوى يرد
قال الدكتور محمود شلبي، أمين الفتوى بدار الإفتاء المصرية، إن التعجيل بالطهارة من الجنابة؛ للقيام بالطاعات التي تحرم أثناء الجنابة أفضل من تأخيرها، لافتا إلى أنه لا أثم أو ذنب من تأخير الاغتسال.
ما حكم تأخير التطهر من الجنابة؟
وأضاف أمين الفتوى بدار الإفتاء المصرية، خلال حلقة برنامج فتاوى الناس، المذاع على فضائية الناس، اليوم الأربعاء: لو الجنابة حدث بين صلاتين ولسه بدري على الفرض الثاني يبقى مفيش مشكلة، والإنسان يعمل اللي هو عاوزه حتى لو عاوز يخرج من البيت ويذهب لأي مكان بشرط إنه يكون طاهر قبل حلول آذان الفرض.
واستكمل أمين الفتوى: يبقى لازم نعجل بالطهارة من الجنابة في كل الأحوال ونكون جاهزين لطاعة ربنا في كل وقت وحال سواء بقراءة القرآن الكريم أو الصلاة وغيرها من الطاعات التي تتطلب الاغتسال.
وعلى جانب آخر، قال الدكتور علي فخر، أمين الفتوى بدار الإفتاء المصرية، إنه لا يجوز منع الزوج لزوجته من العمل بعد الزواج ما دام هناك إتفاق بين الزوجين قبل إتمام الزواج، لافتا إلى أن ترك الزوجة للعمل يكون برغبتها وليس رغما عنها.
وأضاف أمين الفتوى بدار الإفتاء المصرية خلال حواره مع الإعلامية مروة شتلة ببرنامج البيت المذاع على فضائية الناس، اليوم الأربعاء: ممكن الطرفين يتفقوا قبل الزواج إن الزوجة تشتغل أو لا تشتغل، لو اتفقوا إنها تشتغل يبقى خلاص مفيش رجوع عن عملها إلا برضاها، كل أمور الزوجين لازم تكون بالاتفاق والرضا.
واستكمل أمين الفتوى: لا مانع من عمل المرأة في الشرع، وبالتالي لو فيه تقصير في الواجبات الزوجية والأولاد يبقى نقعد ونتفق ونشوف حل، مفيش حاجة اسمها أتزوج واحدة وهي بتشتغل وارجع أقول لها مفيش شغل، لا يبقى تختار واحدة من البداية لا تعمل.
