عمرو مصطفى: محمد منير زعلان مني.. ولما روحت لطبيبة نفسية حكتلي مشاكلها وكنت أنا الدكتور
أعرب المطرب والملحن عمرو مصطفى عن حبه الشديد لـ الكينج محمد منير، كاشفًا تفاصيل الأغنية الوطنية الجديدة التي ستجمعهما قريبا.
وقال الفنان عمرو مصطفى، خلال تصريحات تليفزيونية: أنا بيج فان لمحمد منير، وأول مطرب أحضرله حفلة ويشدني، وبينا أغنية هتبقى لمصر، وهو زعلان مني كمان لإني لسه مخلصتهاش.
وتحدث عمرو مصطفى عن حياته الشخصية، حيث أوضح: مليش علاقة بالغرور ولا النرجسية وأنا بس بدافع عن نفسي عشان محدش يأذيني، لو عليا مش عايز أجيب سيرة حد أنا بحب شغلي، ناس كتير أوي بتزعل أو بتضايق.
وعن ذهابه لطبيب نفسي، رد عمرو مصطفى: أكيد طبعا حد من المقربين نصحوني أزور طبيب نفسي، ولو أنا نرجسي هقول كده؟، كتير قالولي إني لازم أروح لدكتور نفسي، ولما روحت لدكتور نفسي بقيت هي تحكيلي عنها وعن مشاكلها وتقريبا عايزاني أكون أنا الدكتور.
عمرو مصطفى: مش هتنازل عن حقوقي.. وحبيبي يعاملني باحترام
وأردف عمرو مصطفى: حبيبي اللي يعاملني باحترام ويبقى فاهم كويس أوي، أنا عايز أطلع منتج محترم واللي مياخدش حقوقي وميستغلنيش حبيبي اللي يحبني من غير مصلحة، نوال الزغبي بتكلمني على طول ومصطفى ناصر، وفيه كتير بيسألوا عني من الآخر أنا مش هتنازل عن حقوقي لو تنازلت عن أغنية هتنازل عن حقوقي.
