أول تعليق لصاحبة لافتة إسكندرية مش للمصيف: مش بنقول للناس متجيش.. إسكندرية لينا كلنا

أثارت لافتة مكتوب عليها إسكندرية مش  للمصيف، جدلا واسعا على مواقع التواصل التواصل الاجتماعي، حيث أبدى عدد كبير من مستخدمي السوشيال ميديا استياءهم من تلك اللافتة، وهاجموا أصحابها هجومًا لاذعًا. 

أول تعليق لصاحبة صورة لافتة إسكندرية مش للمصيف

وقالت روان زناتي الفتاة التي كانت تحمل اللافتة، لـ القاهرة 24، هي الصورة كانت هزار، مش هجوم على حد تمامًا بس ده مايمنعش إن فيه مشاكل إسكندرية بتواجهها كل سنة وللأسف بتسوء أكتر مش بتتحسن.

وأوضحت روان أن الصورة كانت مجرد هزار، ولم تقصد بها الهجوم على أي شخص، أو ما فهمه مستخدمو السوشيال ميديا أنهم يطالبون الناس بعدم القدوم إلى المدينة، وما كان يقصدونه بهذه اللافتة هي عدم اقتصار مدينة الإسكندرية على كونها مصيف، حيث إنها مدينة تاريخية تحمل الكثير من المعالم السياحية.

وأضافت روان أنا عن نفسى شايفة إن إسكندرية مبقتش مصيف، أكيد زمان كانت مصيف لينا كلنا بس دلوقتى هى مدينة سكنية، وفيها ناس بتروح أشغال وجامعات ولو فى ناس لسة شايفنها مصيف فلازم يكون فيه احترام للناس اللي عايشين فيها.

إسكندرية مش مصيف.. تريند جديد يثير الجدل على السوشيال ميديا

وجاء ردها على ما تعرضت له من هجوم: كل الهجوم اللى توجه لي ده مكنش له لازمة، الصورة كانت واضحة وبسيطة، مقولتش محدش ييجي، كان رأيي إنها مش مصيف بس، إسكندرية أحلى بكتير فى الشتا بس دا عشان الدنيا بتكون رايقة ومحدش بييجي على مصلحة حد.

وأشارت إلى أن مدينة الإسكندرية ملك لكل المصريين، ولو بنحبها بجد يبقى لازم نحافظ عليها وعلى أهلها.