أحمد مراد: الفيل الأزرق مش أجمل أعمالي وهند صبري بتخوف في مذاكرتها
تحدث الروائي والسيناريست أحمد مراد عن كواليس فيلم الفيل الأزرق وتكاليفه المادية، بجانب ذلك الكشف عن تجربة فيلم الأصليين ونجاحها مع الجمهور.
وقال أحمد مراد خلال حواره في برنامج ضيفي الذي يقدمه الإعلامي معتز الدمرداش: فيلم الفيل الأزرق اتصرف عليه بشكل مختلف بسبب الجرافيك، ومشينا على طريقة جديدة وهي أننا نحترم عقلية بنتي اللي بتتفرج على هوليود.. ولازم يكون في نوع من التوازن عشان ميكرهوش السينما.
وعن فيلم الأصليين، أضاف أحمد مراد: فيلم الأصليين من الأفلام اللي مجبتش إيرادات، ولكن من أكتر الأفلام اللي بعتز بيها وبحس الحوار مكتوب بشكل أنا مبسوط بيه.
وأكد أحمد مراد: فيلم الفيل الأزرق مش أجمل أفلامي ليا، وأنا ومروان حامد حسينا بعد الفيلم أنه معطل لينا، لأن الناس مترقبة العمل ومنتظراه.. فقررنا أننا نختبر النجاح ونعمل حاجة مش هنعملها تاني فيلم تجريبي وكأننا بنعمل مشروع لمعهد السينما.
وعن تعامله مع الفنانة هند صبري وكريم عبد العزيز، أوضح مراد: هند صبري بتخوف في مذاكرتها، وكريم عبد العزيز بينتقل من حالة لحالة، وماجد الكدواني عنده اتقان رهيب.
آخر أعمال أحمد مراد
وأعلن أحمد مراد خلال الفترة الماضية، أن رواية موسم صيد الغزلان ستتحول إلى عمل سينمائي، والعمل من إخراج مروان حامد، وفي الفترة الحالية يتم اختيار فريق العمل، لبدأ التحضيرات الأولية للفيلم.
