المغربية نوال عبد الشافي: سعيدة بنجاح أغنية مخصماك في مصر.. وممكن مغنيش بعد فترة
كشفت الفنانة المغربية نوال عبد الشافي تفاصيل بداياتها في عالم الغناء، ورد فعلها بعد النجاح الكبير التي حققته أغنية مخصماك.
وقالت نوال عبد الشافي لـ القاهرة 24: وأنا صغيرة كنت في المغرب، ودرست لغاية المرحلة الثانوية، وكملت برا في إسبانيا وفرنسا، وبحب كل حاجة فيها تواصل مع الناس، وأنا بحب الغنى من زمان كهواية، لكن مقررتش أدخل المجال في البداية، واشتغلت في حاجات كتير، وممكن مكملش فيه، لإني من فترة قولت لفرقتي متثقوش فيا ممكن كمان فترة أقول إني مش هغني، والغنى مش شغل بالنسبالي، هي حاجة بحبها فقط، ولما شوفت رد فعل الناس فرحت بشكل كبير.
وعن فكرة أغنية مخصماك، قالت نوال عبد الشافي: ممكن ناخد حقنا من غير نكد بانبساط، والأغنية الجاية نفس السكة زي مخاصماك، ولازم الرجالة تعرف الستات أكتر، وأنا مكملة في الأغاني وهعمل أغاني مختلفة، ورد فعل الجمهور مع ربنا، وأنا بسعى والباقي مش بتاعي، وسعيدة بنجاح أغنية مخصماك في مصر.
نوال عبد الشافي: الناس فكرتني مصرية بسبب مخصماك
وكانت تحدثت الفنانة المغربية نوال عبد الشافي عن حبها الكبير لمصر، إذ قالت: أنا برضه الناس بتكتبلي في الكومنتات مصرية وأفتخر، واتبسطت جدًا إني لما أغني بلهجة والناس تفتكرني مصرية، أنا معشتش في مصر بس باجي كتير، أنا بحب مصر أوي قبل الأغاني، وباجي من سنوات، والفترة الأخيرة اللي قررت أعمل فيها الأغاني الشركة المنتجة قالت لازم تنزلي الشارع، الحاجة الحلوة الغريبة إن الأغنية بتنجح مع سن معين، الأغنية ديه لأ نجحت مع كل الأعمار.
