زوجة علي الحجار: هنفضل ورا مشروع 100 سنة غناء.. ومش هنسيب حقنا
كشفت هدى زوجة الفنان علي الحجار، دعمها لمشواره الفني، وأبرز أغانيه الفنية التي تحبها، بجانب تعليقها على أزمة مشروع 100 سنة غناء.
وقالت زوجة علي الحجار، خلال لقائها مع الإعلامية سهير جودة نشرته عبر حسابها الشخصي بموقع التواصل الاجتماعي فيسبوك، إنها تُقدر حفلات زوجها الفنية مثلها مثل الجمهور، معلقة: مقدرش أسيبه وأنا مثل الجمهور أحب أستمتع بغناه، أنا باجي زي الناس لأن دي المتعة بتاعتي، وبعدين عشان أنا مراته بقى واقفة جنبه وبشوف عايز حاجة كل شوية.
وأوضحت زوجة علي الحجار، أنها تحب جميع أغانيه وخاصة أغنية أنتي طلعتيلي منين وأغنية عارفة التي بدأ بها مغازلتها في بداية علاقتهما وأيضًا أغنية بطلة حكايتي.
وأجابت زوجة علي الحجار أيضًا على فكرة ترددها في الزواج منه بسبب تعدد تجاربه السابقة، حيث تابعت: قبل ما نتجوز فضلنا صحاب فترة، وعرفته على حقيقته، هو مش عشان ارتبط كتير يبقى مزواج، لا هو شخص طبيعي حظه مش حلو زيه زي أي شخص في الدنيا، وهو كشخصية مفهوش عيوب تخليني أخاف منه، وسنوات زواجنا العشرين تثبت صواب رأيي.
وعن رأيها في أزمة مشروع 100 سنة غناء أوضحت: أي حد يتخيل نفسه عنده مشروع مهم وبيحضر ليه وقاعد يشتغل عليه طول العمر، وفجأة حد يروح طالع بيه وعايز ينجح بيه واللي حواليه يدعموه بيه، يعني وجع قلبه عنده حق، وهنفضل وراه لغاية ما ياخد حقه، علي لا بيخاف من حاجة ولا بيعمل حساب لحاجة إلا لربنا وشغله وضميره، مش هيضر ومش هيأذي.
أزمة علي الحجار ومدحت صالح
وكانت بدأت الأزمة عندما صرح علي الحجار في تصريحات سابقة، بأن مشروع 100 سنة غناء كان فكرته منذ 2002، موضحا أنه فوجئ بأن المشروع ذهب للفنان مدحت صالح.
وأعرب علي الحجار عن استيائه الشديد خلال حوار مع برنامج حديث القاهرة، مشيرا إلى أن الصياغة المناسبة للخروج من الأزمة الحالية بالاستحواذ على مشروعه وتغيير اسمه هو عودة الحق له، قائلا: الصياغة لهذه الأزمة أن حقي يرجع لي ويطلعوا يقولوا ده مشروعي، ولو مدحت صالح أو خالد داغر عرفني إنه هيعمل حاجة زي كده كنت هكلمه وأقوله أنت عارف إن ده مشروعي.
وتابع: حلمي كان الدولة تنفذ المشروع لأن مش هينفع قطاع خاص مش هيقدر ينفذه، كنت أتمنى مدحت صالح يتواصل معي قبل الإعلان عن مشروع الأساتذة، وما حدث ليس توارد أفكار بنفس أفكاري وكلامي، معبرًا عن أمنيته ألا يصل الموضوع للقضاء.
