إيناس مكي: اتطلقت بعد 6 شهور ويمكن العيب فيا
تحدثت الفنانة إيناس مكي، عن سبب فشلها في حياتها العاطفية وطلاقها بعد 6 أشهر فقط من الزواج، قائلة: لما اتجوزت كان عندي 29 سنة، حياتي واضحة ومتظبطة وكنت نجمة ومكنتش متخيلة إنها تفشل، مع العلم أنه ابن ناس ومحترم وسأل عليا بعد 15 سنة يطمن عليا وفي بينا مودة.
وأضافت إيناس مكي خلال تصريحات تلفزيونية: لقيت نفسي بمنتهى الأدب والذوق بديله كل حاجته وبقولوا خلينا أصحاب وسيبني في حالي يمكن أنا عصبية شوية يمكن أنا اللي مبستحملش يمكن العيب فيا بس مكنتش مستريحة وعمري ما هسيب نفسي في حاجة مش مستريحة فيها، وموضوع الجواز دلوقتي اتقفل وكل ما حد ينكش في الموضوع وافتح الباب ألاقي استفزاز وهي هي نفس الطريقة، أنا حزينة إن نسبة كبيرة من صحباتي اللي أعرفهم بعد سنين طويلة برضوا بيتطلقوا.
إيناس مكي: أحمد مكي في حتة لوحده في الراب والتمثيل والكتابة
أما عن رأيها في مؤدي الراب ويجز ومجال الراب، أردفت إيناس: ويجز بحبه جدا ولفت انتباهي، ومستغربتش اللون بتاعه وشدني أنا شخصيا وما شاء الله الجيل الجديد لقيتهم حافظين كل الجمل ورا بعض.
وعن المقارنة بين شقيقها الفنان أحمد مكي ومؤديين الراب، تابعت إيناس مكي: أحمد في أغاني الراب أو التمثيل أو الكتابة في حته لوحده، وأغلب مطربي الراب بيشتروا الكلمات لكن أحمد مكي بتكون فكرته وهو اللي بيكتب الكلمات وأغنية ولعانه كانت إخراجه ودي هتتحسبله إن سكة الإخراج دي أول حد يعملها في مصر هو أحمد.
