شريف رمزي يكشف تطورات جديدة في حالة شقيقه الصحية بعد دخوله في غيبوبة: إيده اتحركت
كشف الفنان شريف رمزي، تفاصيل الحالة الصحية لشقيقه المنتج صلاح رمزي، والذي تعرض لوعكة صحية شديدة دخل على إثرها في غيبوبة منذ شهر أغسطس العام الماضي 2022.
وقال شريف رمزي في تصريح خاص لـ القاهرة 24: لسه مفيش أي تطور في حالة صلاح أخويا الصحية، في حركة بسيطة من إيديه ولكن ما زال في الغيبوبة، والدكاترة قالوا إن مفيش تدخل جراحي تاني ولا سفر برا هيحسن حالته.
وسبق وكشف الفنان شريف رمزي في تصريحاته لـ القاهرة 24، إجراء شقيقه صلاح عمليتين جراحيتين ولكنه لم يسترد وعيه، قائلًا: عمل عمليتين واحدة في الجمجمة والعمود الفقري، والتانية لتفريغ خُراج في المخ، ولكن لسه في غيبوبة لغاية دلوقتي ومفيش أي تغيير في درجة الوعي، ادعوا له.
شريف رمزي: صلاح أخويا ما زال في غيبوبة.. وكنا بنشوف الحالات دي في الأفلام بس
وأضاف: صلاح لسه ما زال في الغيبوبة، حالته صعبة لكن بنطلب له الدعاء من الناس، ممكن يفوق في أي لحظة، عندنا أمل كبير في ربنا، بندعي له دايما، احنا مرينا بظروف صعبة، والحاجات دي كنا بنشوفها في الأفلام بس، لكن عمر ما حد كان يتخيل ابدا اللي مرينا بيه.
أعمال المنتج صلاح رمزي
ويعد فيلم الديلر أبرز أعمال المنتج صلاح رمزي، وشارك كمنتج منفذ بالعمل، وهو بطولة الفنان أحمد السقا، وعدد كبير من الفنانين، من بينهم مي سليم، خالد النبوي، سامي العدل، والعمل من تأليف مدحت العدل، وإخراج أحمد صالح.
