حورية فرغلي: اكتشفت 9 أورام خبيثة في الرحم.. ومحدش فكر يزورني ويسأل عليا
كشفت الفنانة حورية فرغلي، عن تفاصيل حالتها الصحية بعد إجرائها عملية استئصال للرحم خلال الأيام القليلة الماضية، موضحة أنها اكتشفت وجود 9 أورام خبيثة بالرحم، كما أعربت عن حزنها بسبب عدم اطمئنان أحد من الوسط الفني على حالتها الصحية.
وقالت حورية فرغلي في مداخلة هاتفية مع برنامج مساء DMC، إن والدها جراح وصديق الطبيب، والذي طمأنها بأن العملية بسيطة وعبارة عن بعض الأورام ستجرى بالمنظار، ولكن اكتشفت بأن الموضوع أكبر من ذلك، وعدد الأورام المكتشفة 9 أورام خبيثة.
وأضافت حورية فرغلي، أن الأورام كانت داخل الرحم بطول 6 سم و4 سم، ومن ثم كان لا بد من استئصال الرحم بالكامل، مُعلقة: مكنتش أعرف الحكاية دي إلا لما قومت من البنج، كنت نفسي أخلف بس ربنا مش رايد والحمد لله بمشي على رجلي وإن شاء الله هرجع لشغلي تاني وهيبقى عندي طاقة أكتر من الأول، والنزيف اللي كان بيجيلي كل شهر كان بيستنزفني والهيموجلوبين كان عندي 3.. بقول للناس اللي بتدعيلي أنا لو كويسة فهيكون بسبب دعاكم.
وأكدت الفنانة حورية فرغلي، إنها استئصلت 9 أورام داخل الرحم، كاشفة أنه سبق ومنحها الطبيب الذي كان مشرفا على حالتها الصحية فرصة لمدة 10 سنوات للزواج، ومحاولة الإنجاب، وخلال عملية الإنجاب يستئصل الرحم في الوقت ذاته.
حورية فرغلي: محدش فكر يزورني في المستشفى أو يسأل عليا
وأضافت حورية فرغلي، إنها خرجت من المستشفى أول أمس، ولكن لم يتواصل معها أحد أو زيارتها في المستشفى: معرفش مين نزل الصورة وأنا في المستشفى، وكيل أعمالي أكيد اللي نزل الخبر علشان الناس تعرف، لأن المستشفى كلها عرفت، فهو كان عاوز يطمن الناس أو حاجة.. بس أنا زي الفل.
وأوضحت أنها كانت تنتظر زيارتها من أي شخص يعرفها ويحبها، متابعة: دة الطبيعة.. أنا لو شوفت حد مرتين تلاتة ويعمل عملية كبيرة لازم أروحله، بس الحب مش بيتشحت ولا الحنية، ووالدتي بالنسبة ليا الدنيا كلها.
