محمد فؤاد يفند مغالطات عمرو واكد عن أصول البنوك بالعملة الصعبة: المودعون لن يفقدوا أموالهم
رد الدكتور محمد فؤاد، عضو مجلس النواب السابق، على المغالطات التي روج لها الهارب عمرو واكد حول أصول البنوك المصرية بالعملة الصعبة، وفقدان المودعين بالدولار أموالهم.
وقال فؤاد في رده: الكلام ده غير دقيق فنيا، لأسباب متعددة صحيح الـ net foreign reserves بالسالب وده مش حاجة حاصلة إمبارح ده وضع مستمر من 2021 ومش شيء صحي بالفعل، إنما الدنيا مش بتمشي بالشكل ده، وهنا هحلل الوضع بشكل رقمي ودقيق علشان الكلام هنا فيه أڤورة شديدة.
وأضاف فؤاد، أولًا الودائع الدولارية تنقسم نوعين الودائع تحت الطلب بالعملات الأجنبية والودائع لأجل. نسبة تحت الطلب من الودائع 33% من إجمالي الودائع. يعني مش كل الدولار أصلا في البنوك محطوط تحت الطلب، طب فلوس المودعين الأفراد تحت الطلب كام؟ 3.5 مليار دولار فقط.
أصول البنوك بالعملة الصعبة
وتابع، وظيفة الاحتياطي النقدي بالأساس بغض النظر إن الاحتياطي ده ودائع هو إنه يعمل bridge للمركزي على التزامات الدولة والتزامات البنوك في العملة الأجنبية، بصرف النظر عن أن الاحتياطي نفسه أغلبه ديون أو ودائع فهي برضه غير مستحقة السداد النهاردة الصبح.
وأوضح أن هذا يعني أن صافي النقد الأجنبي السالب لا يرتب التزامًا حاليا بل يضع مشكلة التدفقات الأجنبية تحت ضغط مستمر مضيفًا: "إنما مش فلوسك راحت يا حاج واجري خد دولارك. ده كلام أوڤر ولا يمت للواقع. وضع مصر دقيق بس بلاش نولع في الدنيا بكلام غير متخصص.. مش ناقصة والله.
واستكمل بالمناسبة، أي رقم عايزه عن وضع مصر في العملة أو في الدين موجود في تقارير المركزي مش أسرار حربية ومعلومات لا تنشر. لا توجد أسرار في العمل النقدي إحنا مش في قمقم. إنما قراءة الأرقام في سياقها يخلينا نفهم الموقف دون تهوين أو تهويل.
