حسن شاكوش ينفي اعتدائه على زوجته: مش هتكلم كتير عشان المسجد جمبي وبعد كلام ربنا مفيش كلام
نفى مطرب المهرجانات حسن شاكوش، اعتدائه على زوجته ريم طارق، أثناء تنفيذ قرار تمكينها من مسكن الزوجية بأحد الكمبوندات الخاصة، مؤكدًا أن بيئته وتربيته لا يسمحان له بالاعتداء على بنات الناس.
وقال حسن شاكوش في فيديو لايف عبر حسابه بموقع فيس بوك: الحمد لله الواحد ولا بيئته ولا تربيته ولا إمكانياته أنه يبهدل بنات الناس أو يجرحهم بأي كلمة وحشة لأنكم عارفين الست والبنت لو بصيت لها بصة وحشة توجعها وأنا لا تربيتي ولا بيئتي ولاعيشتي ولا أهلي ربوني على كده لكنهم ربوني أني احترم بنات الناس وعمري في حياتي ولا ضايقت حد ولا زعلت حد ولا عملت مشاكل مع حد، لكن في ناس عاوزة تشهر بيا.
حسن شاكوش: ربنا مش على كيف حد
وأضاف حسن شاكوش: ربنا مش على كيف حد، واللي بيكبر ويخلي الواحد له قيمة ربنا وإحنا لما نتزنق بنقول يا رب مش يا عبد، ومش هينفع اتكلم كتير علشان الجامع جمب بيتي وبعد كلام ربنا مفيش كلام واللي عاوز يفهم يفهم واللي بيفهم بيريح والظالم وابن الحرام ربنا ينتقم منه في ميدان عام.
حسن شاكوش ينفي طرده من فيلته
كما نفى حسن شاكوش أنباء طرده من المنزل قائلًا: أنا عندي في البيت أهو موجود وأهلي وأمي وأخواتي منورني ومشرفني، مش بيجوا لي كتير ولما بيجوا بالنسبة لي بيكون يوم عيد، حبيت بس اطمنكم أن مفيش أي حاجة وإحنا لسه جامدين ومفيش إلا إحنا، وعلشان عندي حفلة بليل مستني كل حبايبي اللي جايين لي في المعادي.
وكانت ريم طارق زوجة حسن شاكوش حصلت على قرار تمكين من فيلا الزوجية الخاصة بهما بكومبوند شهير، وقال محامي ريم طارق، إن الجهات المعنية تحفظت على شاكوش، بسبب اعتدائه على زوجته، أثناء تنفيذ قرار جهات التحقيق بتمكينها من مسكنها بأحد الكمبوندات الخاصة.
