ياسمين صبري توجه رسالة لـ زوجة عادل إمام: يا زين ما ربيتي
أعربت الفنانة ياسمين صبري عن سعادتها بالتعاون مع الفنان محمد إمام، والمخرج رامي إمام في فيلم أبو نسب، كما وجهت رسالة وتحية خاصة للزعيم وزوجته.
وقالت الفنانة ياسمين صبري، خلال لقائها ببرنامج Et بالعربي: بوجه تحية لـ محمد إمام 3 فيلم معاه، وبستمتع في العمل معاه جدًا، وإحنا فاهمين بعض، أستاذ رامي أول مرة اشتغل معاه، وتشرفت بالعمل معه، وهو مخرج حساس ودمه خفيف، وبيحس بالممثل وبتعبه وبطاريته لو قلت.
وتابعت الفنانة ياسمين صبري: عايز أوجه تحية غير متوقعة لوالدة محمد ورامي إمام الأستاذة هالة يا زين ما ربت، والأستاذ عادل إمام يا زين ما اختار، ومقابلتش الزعيم ولا مرة، لكن كلمته في التليفون مرة، وبتمنى له طول العمر، وأنا في اللوكيشن معاهم بحس إني وسط عيلتي، وهما جُمال ولطاف أوي، وخبرة ودمهم خفيف جدًا.
ياسمين صبري عن اتهامات تقليدها لـ جورجينا: معنديش مشكلة طالما مفيهاش إهانة ليا
وكانت علقت الفنانة ياسمين صبري على تشبيها واعتمادها لتقليد بالعارضة الأرجنتينية جورجينا رودريجز صديقة كريستيانو رونالدو، قائلة: في 2015 كنت ابتديت أتشهر ساعتها شبهوني بـ كيم كارداشيان، لأن كيم كانت هي اللي في الصورة، دلوقتي هما نقلوا لا هي بتقلد چورچينا، أنا نفس الست بس هما غيروا أنا بقلد مين، ومش مشكلة اللي يقول يقول واللي يعمل يعمل المشكلة مش من عندي المشكلة في اللي بيعلق وبينتقد، وعلى الأقل مش بينتقد حاجة تهيني، يعني لما مبيكونش فيه حاجة تتقال هو ده اللي بيتقال.
