شيرين عن أزمة منة شلبي الأخيرة: لو كل واحد بص على اللي حواليه بعين الرحمة مصر هتعلى فوق
تحدثت الفنانة شيرين عن تعاونها مع منة شلبي في مسلسل تغيير جو، الذي عرض في الموسم الرمضاني الماضي، مشيرة إلى أنها ممثلة قوية وتذكرها بالفنان الراحل أحمد زكي.
كما دافعت شيرين عن منة شلبي بسبب أزمتها الأخيرة، قائلة: مع احترامي الشديد لأي حد ومع كل الاحترام لآراء الناس ليه ننصب نفسنا قاضي، حرام أحكم على حد بالإعدام أو أكفر حد أو أقول ده هيروح النار أو الجنة حرام وديننا بيقول ما تعملوش كده ورأي القضاء أتقال، والمفروض إننا ناخد عبرة من اللي حصل ده وأي حد يقول أي حاجة يا ريت كل واحد يكون في شأنه بس.
وأضافت شيرين في تصريحات لـ القاهرة 24: لو كل واحد أخد باله من شأنه ونفسه وبص على اللي حواليه بعين الرحمة هنبقى أحسن حد في الدنيا ومصر هتعلى فوق.
وأكدت شيرين أن منة شلبي ممثلة قوية، قائلة: بتفكرني بالراحل أحمد زكي، وبتلبس الدور زي ما الواحد بيلبس فستان ومش بتقلعه غير لما تخلص وأنا حسيت إن منة بقيت بنتي وعلاقتي بها لم تنقطع لحد دلوقتي واللي اتعمل في كل أسبوع يوم جمعة تمثل أي حاجة في الدنيا.
كما كشفت شيرين عن رأيها في الأعمال المكونة من 15 حلقة قائلة: مش لازم المسلسل يكون 30 حلقة أو عشرة حسب قماشة المسلسل فمثلًا مسلسل سابع جار كان 60 حلقة، والناس حابته وتابعته الأهم نشوف حدودة المسلسل تستوعب كام حلقة.
