ألغاز وتكتم غريب.. الموسيقيين: ابنة إيمان البحر درويش رفضت التواصل معنا.. ومش فاهمين هي بتعمل كده ليه
أعرب مجلس نقابة المهن الموسيقية، عن استيائه الشديد بسبب أزمة الفنان إيمان البحر درويش، حيث نشرت ابنته عن صورة صادمة له خلال الساعات الماضية وهو على فراش المرض، مؤكدا أن ابنة الفنان رفضت التواصل مع أي شخص من الوسط الفني، بما فيهم النقيب مصطفى كامل.
وقال الدكتور محمد عبد الله المتحدث الرسمي باسم نقابة المهن الموسيقية، في تصريح خاص لـ القاهر 24: إحنا مش فاهمين حاجة ومش فاهمين ألغاز ابنة إيمان البحر درويش، وفوجئنا بصورة نازلة على الإنترنت من ابنة الفنان إيمان البحر درويش، حاولنا التواصل معاها كتير ومفيش فايدة.
وتابع: ابنة إيمان البحر درويش اعترفت في مداخلة مع الإعلامي شريف عامر أن النقيب مصطفى كامل حاول التواصل معاها ولكنها كانت بعيدة عن الجميع، والنقيب عايز يؤدي دوره بالرعاية الكاملة زي ما حصل مع الموسيقار حلمي بكر، تواصلنا معاه والنقابة كلها وقفت معاه، ده دورنا أي حد سواء فنان مشهور أو غير مشهور، ده حقه على النقابة طالما عضو عامل بالرعاية الكاملة.
وأضاف المتحدث الرسمي باسم الموسيقيين: فوجئنا بمحامي طلع قال أنه محامي إيمان البحر درويش وهو كويس وزي الفل، وبعدين ابنة الفنان كذبته وقالت مش المحامي بتاع والدي، هي مش عايزة تقول مكان والدها، طيب هي نشرة الصورة ليه؟ أكيد هي طالبة دعم وعناية والنقابة بتقول أهو إحنا معاكي وتحت أمرك.
واختتم، حديثه: ده دورنا، والنقابة تحت أمر أي فنان وأي عضو عامل بيطلب الرعاية، وابنة إيمان البحر درويش قالت أن النقيب بيحاول التواصل معاها وهي اللي رافضة، طيب حضرتك المطلوب نعمل إيه؟ دي ألغاز إحنا مش فاهمينها، نقابة المهن الموسيقية مش فاهمة حاجة، دي مجموعة متناقضات، اختفاء وتكتم غريب.
