بيومي فؤاد عن مزاعم عدم قراءته السيناريوهات: كلام عبيط.. إزاي هوصل للمستوى ده وأنا مبقرأش
أعرب الفنان بيومي فؤاد عن استياءه الشديد من الأشخاص الذين يقولون عنه إنه لم يقرأ السيناريو، موضحًا ما يقصده بتصريحه السابق حول هذا الموضوع، حيث أكد أن هذه التصريحات ليست لها أساس من الصحة، وأن تصريحه السابق أسيء فهمه.
وأكد الفنان بيومي فؤاد في تصريحات خاصة لـ القاهرة 24، أنه لم يصرح بعدم قراءته لسيناريوهات الأعمال الفنية، معلقًا: أنا قُلت إنهم بيقولوا عليّ إني لا أقرأ السيناريوهات أو معروف عني كدا، ولكن أنا مبعملش كدا وده كلام عبيط.
بيومي فؤاد: تصريح أني لم أقرأ السيناريوهات كلام غير صحيح
وأضاف بيومي فؤاد: يعني إزاي هشتغل مع شريف عرفة ومحمد يس ومع باقي الأساتذة الكبار وأنا لا أقرأ السيناريوهات، كلام غير صحيح بالمرة، ومفيش ممثل هيوصل للمستوى اللي أنا وصلت له من غير لما أكون بذاكر وبقرأ السيناريو.
بعد مقارنته بـ حسن حسني.. بيومي فؤاد: أنا مين عشان أوصله
وفي سياق آخر، كشف الفنان بيومي فؤاد، رأيه في مقارنته بالفنان الراحل حسن حسني، وذلك في تصريحات تلفزيونية سابقة، إذ علق: كل الناس اللي بتقول إن بيومي فؤاد امتداد حسن حسني، أو خليفة حسن حسني، يمكن وجه التشابه الوحيد بيني وبينه هو إننا بنحب الشغل أوي، لكن أنا مين عشان أوصل للأستاذ الكبير حسن حسني؟! الراجل ده كان الله أكبر عليه مفيش زيه، ربنا يرحمه ويغفر له.
