أنس خريج تجارة إنجليزي يبيع التين الشوكي بالإسماعيلية: أول مرة أقف في الشارع وأهلي دعموني
في الإجازة الصيفية، يتنافس الشباب المكافح في إقامة بعض المشاريع للإنفاق على أنفسهم وتخفيف المصاريف بعض الشيء عن أسرهم، ومن هؤلاء الشباب أنس محمد خريج تجارة إنجليزي، والذي يبيع فاكهة التين الشوكي على الكورنيش لزيادة دخله.
أنس خريج تجارة إنجليزي يبيع التين الشوكي بالإسماعيلية
وتحدث أنس عن مشروع بيع التين الشوكي الخاص به قائلا: قبل ما أبدأ في موضوع التين الشوكي، كنت بدور على حاجه مميزة أزود بيها دخلي، يعني ناس كتير مثلا بتبيع تين شوكي ولكن مش كل الناس بتبيعه ساقع مثلا، فأنا ضفت حتة أنك تاكل التين ساقع وأنت واقف، عشان كده لما فكرت أعمل حاجه جنب الشغل الأساسي بتاعي، أول حاجه جت في بالي التين الشوكي عشان بحبه جدا، وبعد كده ممكن أطور الموضوع وأبيع مانجا ساقعة.
وتابع: أنا خريج تجارة إنجليزي جامعة قناة السويس 2021، وشغال قسم Marketing & Merchindising بـ شركة ملابس، وبخلص شغلي وببدأ بيع التين الشوكي من الساعة 6:30، ومكاني في نمره 6 على الكورنيش ناحية فندق ميركيورا بالإسماعيلية.
وعن رأي أسرته والمحيطين به عن بيعه التين الشوكي قال أنس محمد: كانت الناس بتقولي مينفعش وقفتك في الشارع، بس فيه ناس كتير شجعوني ومنهم أهلي، والتجربة كانت بدايتها فيها توتر شوية، بسبب أني أول مرة أقف في الشارع وأبيع أي حاجه عمومًا، بس الحمد لله قدرت اتغلب على كل حاجة، وكسرت حالة التوتر، وكل ما الإنسان نيته كانت خير ربنا بيكرمه ف أي حاجة بيعملها.
