فيفي عبده: لو عندي 90 سنة هفضل أرقص.. والرقص أكسجين بالنسبة لي
ردت الفنانة فيفي عبده على الانتقادات التي تتعرض لها، في الفترة الأخيرة بعد نشرها فيديوهات على حساباتها الشخصية بمواقع التواصل الاجتماعي وهي ترقص فيها.
وتحدثت فيفي عبده عن هذا الأمر، خلل لقائها في برنامج ET بالعربي، إذ أعربت عن حبها الشديد للرقص، مؤكدة أنها ستمارس مهنتها طالما قادرة على ذلك، إذ أوضحت: لو عندي 90 سنة وقادرة أني أرقص هعمل كده، ليه الناس عايزه تمنع عني أكسجيني أنا بحب الرقص جدا، وعندي جمهوري اللي بيحبني في كل حالاتي.
ووجهت الفنانة فيفي عبده رسالة شديدة اللهجة لـ منتقديها على مواقع التواصل الاجتماعي، قالت فيها: أنا بتشتم كتير على السوشيال ميديا بس مش كل قط يتقال له يا مشمش، ولا كل فار يعرف يختار، واللي في جمالي يبصق على أفعالي، واللي مش عاجبها من شعرها هجيبها.
فيفي عبده تستغيث: لأول مرة بقول لكم ارحموني الحسد زاد عن حده معايا
على جانب آخر، طلبت الفنانة فيفي عبده من جمهورها الرحمة، وذلك بسبب تعرضها خلال الفترة الماضية إلى الحسد، الأمر الذي تسبب في وعكة صحية للفنانة نتج عنها خضوعها لـ عملية جراحية، حسب ما قالته في تصريحات تلفزيونية سابقة.
وأوضح فيفي عبده: لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا، ومش عاوزة أكتئب الناس لأن الناس دي بتصحى من النوم تشوف صفحتي ويشوفوا عاملة إيه.
