هنا الزاهد تكشف سلبيات التعاون مع زوجها أحمد فهمي: بخاف أعمل تصرف يضايقه
كشفت الفنانة هنا الزاهد كواليس تعاونها مع زوجها الفنان أحمد فهمي، في عدد من الأعمال الفنية وآخرها فيلم مستر إكس، والذي عرض في موسم عيد الأضحى، وحقق نجاحا كبيرا.
وقالت هنا الزاهد في تصريحات تلفزيونية، عن سلبيات التعاون مع زوجها في أعمالها الفنية، قائلة: السيئات إني ببقى شايلة هم إني معملش تصرف يضايقه، زي إني ممكن ميعجبنيش شعري أو حاجة في المكياج، فأقول وسط المشهد أنا عايزة ماكياج، فأحمد يقولي ما خلاص بقى، لكن لو ممثل تاني مش هيقولي كده، وأنا مبحبش أزعل حد أصلًا.
وعن إيجابيات تعاونهما، علقت هنا الزاهد قائلة: الحسنات إنه بيبقى خايف على الشغل ولو عملت مشهد مش حلو زي ما هو مطلوب ممكن يقولي لو عملتيه كده هيبقى أحسن، ولكن لو ممثل تاني هيتكسف يقولي، وممكن يديني إيفيهات.
هنا الزاهد تحرج مذيع بعد سؤالها عن عدم الإنجاب
ومن جهة أخرى، أحرجت الفنانة هنا الزاهد المذيع في لقائها التلفزيوني، بعدما سألها عن سبب عدم إنجابها، وجاء سؤال المذيع لـ هنا الزاهد، على النحو التالي: اللي بيحبه ربه بيحبب فيه خلقه، امتى العائلة هتكبر؟ مأجلين المشروع ولا سايبينها على الله؟!
لترد عليه هنا الزاهد، قائلة: والله إحنا سايبينها ببركة ربنا، ودلوقتي فترة بنشوف هنعمل إيه علشان الشغل ومش عارفين اللي جاي فيه إيه.. أنت محسسني إنك طنط اللي بتسأل إيه بقى؟!
