وفاة الطفل إيلاي جورج المريض بأشرس أنواع السرطان.. ووالده: سبتني بدري قوي
رحل عن عالمنا منذ قليل الطفل إيلاي جورج، المريض بأشرس أنواع السرطان، بعد صراع طويل مع المرض، وهو لم يتجاوز الـ 5 أعوام.
الأب ينعي الصغير
وأعلن جورج إيليا والد الطفل وفاته منذ قليل عبر حسابه الشخصي على فيس بوك، حيث كتب: ابني وصاحبي وأخويا وحبيبي، مكنتش قادر أصدق إني أكتب الكلام ده، مشيت وسبتني بدري قوي.. كان في حاجات كتير متفقين نعملها مش قلتلك يلا علشان نروح الغردقة.
وأضاف: طب والمدرسة اللي قدمنا عليها، وروحنا الإنترفيو طب والشنطة اللي جبتها طب ولعبة القطر الجديد.. يا حبيبي سبتني ومشيت ليه.. ااااه يا إيلاي، كل الناس بتحبك وكله زعلان وبيعيط عليك، بس أنت ارتحت من التعب والآلام اللى اتحملتها.. سلام يا حبيبي.
وانهالت التعليقات على منشور الأب، لتعزيته في فقدانه طفله الصغير.
وخاض الطفل إيلاي معركة شرسة مع السرطان، حيث استغاثت والدته كريستين من خلال القاهرة 24 في وقت سابق للحصول على علاج ابنها.
رحلة إيلاي مع السرطان
وعن اكتشافها المرض قالت: الدكتور لقي ورم كبير جدًا في بطنه، مش عارفين إيه سببه أو جاي منين، وبدأنا نروح لدكاترة أورام، وكلهم أكدوا إنه ورم خبيث، ولازم يتعالج في أسرع وقت ممكن.
وأضافت: بعد اجتياز الطفل رحلته الشاقة مع السرطان، أكد الأطباء إمكانية عودة انتشاره مجددًا، كونه يعتبر من أشرس أنواع السرطان، وعلاجه الوحيد باهظ الثمن، ويوجد في الولايات المتحدة الأمريكية فقط.
وتوجهت الأسرة إلى إطلاق حملة تبرع لجمع مبلغ 3 ملايين جنيه لشراء علاج نجلها، وبمجرد نشر الحملة وجدت الأسرة مساعدات من كافة الأطياف مع دعوات من المسلمين والأقباط بشفاء الصغير إيلاي.
