علاء مرسي: ظلمت فنيًا.. وأطالب الصناع باختيار الممثلين بناءً على أسس علمية
تحدث الفنان علاء مرسي عن الظلم التي تعرض له في مهنة الفن بشكل كبير في الفترة الماضية، كما وجه رسالة لـ صناع مهنة التمثيل.
وقال الفنان علاء مرسي، خلال حواره مع القاهرة 24: أكيد ظلمت فنيًا، وحصل قصور مني، بسبب عدم التفكير كويس، وعدم إدارة الموهبة بشكل جيد، وعدم الاختيارات الصحيحة، وتوجد أشياء بإرادتي، وأشياء غصبًا عني، لو هنرجع ونتكلم بعقل هقول إن ربنا هو اللي بيقسملي هعمل إيه، بس ساعات إحنا علشان بشر بننسى اللحظة ديه، وفي الآخر هي إرادة ربنا.
وتابع الفنان علاء مرسي: الفكرة إن الصناع وهما بيتكلموا بيقولوا إحنا كنا ناسيين الراجل ده ما نجيبه، وهي فكرة البعيد عن العين بعيد عن الخاطر، وهي اختيارات بترجع للصناع والمخرج، أتمنى يبقى فيه اختيارات على أسس علمية، هذا ما أطالب صناع العمل به.
علاء مرسي: لم أقل إن هنيدي سبب خسارتي لفيلم
علق الفنان علاء مرسي على تصريح سابق له؛ قال فيه، إن الفنان محمد هنيدي سبب خسارته لدور بطولة في أحد الأفلام، مشيرا إلى أنه لم يصرح بذلك مطلقا، وذلك بعد استضافة هنيدي في لقاء تليفزيوني.
ورد الفنان علاء مرسي خلال تصريحات خاصة لـ القاهرة 24 على هذا الأمر، حيث قال: محمد هنيدي اتكلم عني كويس جدا في حلقة امبارح، بس أنا مقولتش التصريح اللي قالت عليه المذيعة ده، وهنيدي كل كلمة قالها هو صح، والمذيعة بتتكلم في كلام فاضي، لأن طريقة العرض تهدف للبحث عن التريند، وجملتها هو قال أنا هعمل مصيبة، الكلام اللي حصل حاجه تانية خالص، ومش خاصة بالموضوع ده، وبالعكس هنيدي أول ما رد عليها قالها علاء معايا على طول.
