دينا حايك: شيرين عبد الوهاب صوتها أحلى من صوتي.. ومش عايزة أكون نجمة صف أول والعالم ما يحبني
تحدثت الفنانة دينا حايك عن الحب في حياتها واستقلالية المرأة، وبجانب ذلك حديثها عن شيرين عبد الوهاب وصوتها، موضحة: شيرين عبد الوهاب صوتها بيأثر عليا.
وقالت دينا حايك في تصريحات تليفزيونية: شوفت محبة كتير وحسيت إن في الفن والحياة بصمة محبة، وبشكر ربنا ومش عايزة أكون مشهورة ولا نجمة صف أول والعالم ما يحبني.
وأضافت دينا حايك: وأحب أقول للسيدات اللي بتخاف لا تخافوا إنكم تعملوا فحوصات، ومحظوظة بالحب وهي فترة حلوة بتعشيها مع شخص ما، وأنا كريمة بعواطفي وبعطي من قلبي وحبيت مرة واحدة، وبحب الاستقلالية وأحب الست يكون معها راجل، ومهما كانت الست ناجحة ومشهورة فهي في الآخر ست والراجل ناقص من غير امرأة.
دينا حايك: مفيش مرة أعجبت براجل.. وفي وقت مرضي حبيت يكون ليا حبيب
وأوضحت دينا حايك عن تجربتها في الحب ومواصفات زوجها المستقبلي، قائلة: ولا مرة أعجبت براجل، وبشوف الراجل لما يقتحم حياتي، وأحب لا يكون راجل نكدي أو بشع ومعنديش مانع إنه يكون متوسط الحال، وفي وقت مرضي حبيت يكون في حبيب، وأنا ست واقعية زيادة عن اللزوم ومش بعيش بالأحلام.
وعن ابتعادها عن الغناء، استكملت دينا حديثها: أنا اتظلمت فنيا ودايما أبرر إنه الحق عليا، ولكن الحقيقة لأ.. واتحاربت كتير وبوعد نفسي والجمهور إني أقدم أغنية حلوة، واتعودت إني ما أحكم على الناس من قبل معاشرتهم ومش الشكل ولا اللبس اللي بيبين الأشخاص.
وعن شيرين عبد الوهاب ورأيها في صوتها، علقت حايك: صوتها أحلى من صوتي، وصوتها بيأثر عليا.. وبحب صوت نانسي عجرم في هإحساس، ولكنها ما سألت عليا في مرضي.. واتعلمت إني اخد حقي من الحياة.
