أول تعليق لـ ميرنا هشام نجمة آراب أيدول بعد أنباء انتحارها: حسبي الله ونعم الوكيل
علقت الفنانة ميرنا هشام نجمة آراب أيدول على أنباء انتحارها وتخلصها من حياتها، الأمر الذي جعلها حديث الساعة خلال الساعات الماضية، وتصدرت مؤشرات البحث في مختلف مواقع التواصل الاجتماعي.
حقيقة انتحار ميرنا هشام نجمة آراب أيدول
ونشرت ميرنا هشام مقطع فيديو عبر صفحتها الرسمية على فيسبوك، وعلقت قائلةً: حسبي الله ونعم الوكيل.
وقالت ميرنا هشام خلال الفيديو: أنا عايزة أطمنكو أنا كويسة، وإني منتحرتش وأي حد فعلا عارفني عمره في حياته ما هيتخيل إني أعمل حاجة زي كده، لكن كل الحكاية إني تعبانة شوية بس مش لدرجة إني انتحر خالص، أنا بقيت أحسن ولو أنا مختفية بقالي فترة، فأنا بس تعبانه نفسيًا، وتعبي النفسي أثر عليا جسديًا جدًا زي أي حد ممكن يحصله حاجة زي كده.
وتابعت ميرنا: بس ادعولي وإني ابقى كويسة وأنا كويسة، كلنا بلا استثناء بنمر بفترة مش كويسة، بس بنعدي وعادي، وأنا مريت بالفترة دي وهعدي ومتعودة على كده، بس أنا معرفش الموضوع كبر كده ازاي، أنا آسفة لكل حد كلمني وأنا قافلة موبايلي، مش قادرة أرد على حد خالص فعلًا، ادعولي أبقى كويسة بس، وأوعدكم هبقى كويسة وأنا بخير ومفيش حاجة من الكلام ده خالص.
تعليق والدة ميرنا هشام على أنباء انتحار ابنتها
وسبق وعلقت عزة موسى والدة الفنانة الشابة ميرنا هشام على أنباء انتحار ابنتها، وكتبت عبر فيسبوك: ادعوا لميرنا هي تعبانة شوية ادعوا لها بالشفاء.
