أنا وأبوه بقينا أخوات.. عمر الشناوي يكشف تفاصيل علاقته بابن زوجته من الفنان محمد الكيلاني
كشف الفنان عمر الشناوي تفاصيل علاقته بابن زوجته من الفنان محمد الكيلاني، مشيرًا إلى أنه يعيش معه ومع زوجته طيلة الأسبوع باستثناء يومي الإجازة في نهاية الأسبوع يذهب لوالده.
وأضاف عمر الشناوي خلال استضافته في برنامج الستات عبر قناة سي بي سي: عندي حسن عمره 4 سنين وحمزة ابن مراتي عمره 10 سنين، وعايشين مع بعض ست سنين وهو شخصيته ذكية خارق مش طبيعي مخه أكبر من سنه بكتير دايما بيطلعني غلطان لما نتناقش في سؤال علمي ويقول لي غلط ولما نعمل سيرش يطلع هو اللي صح.
وأضاف عمر الشناوي: هو ابن صديقي محمد الكيلاني اللي ما بقاش صديقي لأن ولادنا أخوات علشان كده بعتبره أخويا ولو ماكنش في أطفال كان هيكون طليق مراتي.
من ناحية أخرى، تحدث عمر الشناوي عن الأماكن التي يحب الذهاب إليها في الصيف قائلًا: كنت بحب الساحل من تمن سنين، لأني كنت لما بروح برتاح، دلوقتي سواقة عربيات وبوابات وبكون محتاج إجازة تاني علشان أريح، وحاليًا بحب بروح راس سدر لأني بقدر أسيب ابني في البحر ومش بكون قلقان عليه والمكان صغير والناس اللي فيه تعرف بعض عن الساحل اللي بقى مدينة كبيرة.
آخر أعمال عمر الشناوي
يُشار إلى أن الفنان عمر الشناوي شارك في الموسم الرمضاني الماضي 2023 من خلال مسلسل مذكرات زوج مع الفنان طارق لطفي وعائشة بن أحمد ومجموعة كبيرة من الفنانين، وجسد دور طبيب أسنان يدعى يوسف.
