أوسوريو: محتاج مساك ومهاجم ولاعب وسط ملعب.. ومحدش يسأل عن عروض الرحيل

كشف الكولومبي خوان كارلوس أوسوريو، المدير الفني للفريق الأول لكرة القدم بنادي الزمالك، عن احتياجاته قبل الموسم الجديد.

بين الزمالك وإنبي.. أحمد عيد أزمة جديدة في سوق الانتقالات المصري

الزمالك: أحمد عيد انتقل إلى إنبي على سبيل الإعارة لمدة موسم واحد وانتهى | مستندات

أوسوريو: محتاج مساك ومهاجم ولاعب وسط ملعب

وقال أوسوريو بالمؤتمر الصحفي: النهارده فرصة لكل واحد عاوز يسأل أي سؤال وعندنا خمسة أيام راحة وبعدها نرجع للتدريبات، واتمنى محدش يكلمني على تليفوني الخاص، لأن محدش منكم صاحبي ومش طبيعي تكلموني على هاتفي.

وأضاف: الجهاز المعاون اللي معايا من أحسن الأجهزة الموجودة في الدوري، ولما بقول أنا بكون بتكلم باسم الجهاز الفني كله، ببقى عاوز أوجه كلام للجماهير والصحفيين.

وواصل: بقالي 90 يوما في مصر واتعلمت كتير من العادات والتقاليد ومبسوط من اللاعبين، وراضي عنهم بصفة عامة، فيه لاعبين مؤثرين أكتر من غيرهم مثل دونجا ولكن انتم بتحبوا لاعبين آخرين مثل شيكابالا وزيزو، وفيه لاعبين مهمين للملعب ولاعبين مهمين للنتائج زي زيزو، وكان قريب من حصد لقب هداف الدوري.

وتابع مدرب الزمالك: أكثر مركزين مهمين في طريقة لعبي هما حارس المرمي ومركز المساك، لما جيت قالوا لازم يبقي معاه خمسة أفراد، ولكنه جاء بفرد واحد وباقي أفراد الجهاز مصريين، لأنهم أدري بالكرة المصرية، وفيه حاجات هو مايعرفهاش، مدحت ومجدي وأوسة ولوكا وعبد الواحد السيد مهمين جدًا وأدرى منه بالكرة المصرية، والفريق يبقي جاهز بدني أو يلعبوا كويس ده مسؤوليته، من فضلكم ساندوا الموهبة المصرية.

وأضاف: محدش يكلم الناس دول لأنهم تلقوا رسائل غير جيدة وأنا المسؤول، ومباراة الزمالك والأهلي كبيرة في مصر، ولكن آخر 30 سنة مفيش مقارنة بين الكرة المصرية والكرة في العالم، المباريات الكبرى أتليتكو وبرشلونة ومثل هذه المباريات.

وأردف أوسوريو: أنا مش طالب 8 لاعبين، أنا طالب ثلاثة لاعبين وهم مساك بيلعب بقدمه اليسرى ومهاجم رقم 9 زي إبراهيموفيتش وسيف الجزيري وناصر منسي يقومون بدور هام، لكن أريد مهاجم يستطيع أن يقف على الكرة نفس النوعية ولاعب مركز 8، عاوز ثلاثة لاعبين.

وأشار: أحمد بلحاج وسامسون ملهمش مكان في الفريق، وقارنوهم باللاعبين في مراكزهم هتعرفوا ليه مبيلعبوش، وعجبني أحمد عادل ميسي لاعب الاتحاد السكندري، ولكن لو انضم  هيلعب مكان شلبي ونيمار مثلا، وبالنسبة ليا نداي وشيكابالا وإيشو هم الأفضل في مركز 10 وأتمنى ايشو مايسمعش الكلام الجيد حتي لا يتأثر.

وواصل أوسوريو: محمد صبحي رقم 1 وعواد رقم 2 وعواد محتاج يعرف هو هيكمل ولا لا، وجوارديولا قال قبل كده أصعب حاجة انك تخلي اللاعب اللي مبيلعبش جاهز بدنيا، نحتاج حارس طويل حوالي متر و90 سم، والحاجة الوحيدة اللي طلبتها دكتور تغذية مصري عشان يقدر يرشح أكل للاعبين وفاهم النظام الغذائي للمصريين.

وعن إمكانية الرحيل: محدش يكلمني عن الرحيل أو العروض اللي عندي أنا مكمل مع الزمالك، وأكتر ما يقلقني وأنا معايا الكرة بنتصرف ازاي وأحسن طريقة نحافظ علي الكرة، فيه مدربين في العالم بحترمهم جدا زي سيميوني بيعتمد علي الطريقة الدفاعية أفضل، واحنا بنفتح الخطوط عشان نمشي الكرة ضد الأهلي، أفضل فريق بيلعب كرة في مصر.

وتابع: جمهور الزمالك رائع زي بوكا جونيورز والجماهير دي ودورهم مساندة الفريق ولو فيه أي مشكلة تتوجه ليه وأنا المسؤول الأول، أهم حاجة هو الجمهور الكل بيمشي والأهم هو الجمهور وبشكرهم علي مساندتهم حتي نستمر في المنافسة.

وشدد: اليوم المباراة رقم 13، 9 فوز خسارتين تعادلين من وقت ما جيت، إحنا ثالث الدوري، الجهاز الفني اللي معايا من أحسن الأجهزة اللي موجوده في الدوري، لما بقول أنا في أي وقت اقصد باسم الجهاز الفني كله، وبالنسبة للجماهير  بعد إذنكوا ساندوا الموهبة المصرية، ساندوا الجهاز الفني كلهم ممتازين ويستحقوا فرص، ولما يكون فيه مشكلة ياريت تكون تخصني أنا ويكلمني أنا، لكن محدش يبعت رسايل للجهاز الفني، دول مصريين زيكوا ساندوهم، اللي عايز يقول حاجة يقولي أنا، وفي 6 ماتشات من الـ 13 كنا متقدمين 2-0 وكسبنا الـ 6 ماتشات، وفيه ماتشين كنا متقدمين 1-صفر كسبنا ماتش واتعادلنا ماتش، بنلعب إننا نلعب كورة ونمشي كورة سواء الناس عاجبها أو لا هي دي طريقتي.

وواصل أوسوريو: في العادات والتقاليد بتاعة المصريين الزمالك والأهلي مباراة كبيرة، ولكن الكرة المصرية آخر 30 سنة مفيش مقارنة بين الكرة في مصر وبين أي ديربيات كبيرة على مستوى العالم.

وأشار: هنتعاقد مع اللي الفرقة محتاجاه مش اللي أنا عايزه انا قعدت مع أمير وبلغته بما نحتاجه وفي كل مركز  نحتاجه وضعنا 4 خيارات، ماليش علاقة بالفلوس أو التعاقد ومقدرش أتدخل فيها وعمري ماخدت أي فلوس من وراء أي صفقة.

واختتم: في مباراة الأهلي، مدافع الأهلي محمد عبد المنعم عمل حركة بالكرة والنتيجة 3-1 ميقدرش يعملها والنتيجة غير مطمئنة، ده عيب في طبيعة الكرة المصرية، أنا بحاول أغير في أسلوب اللاعب المصري وعايز أعمل ده هنا، يبقوا نفس لاعيبة أوروبا، أتمنى إن طريقتي تبقى موجودة في الدوري المصري كله، لكن أسلوب الكرة المصرية الحالي صعب، وأنا عايز أغير الأسلوب ده.