أحمد أمين: الصفارة 2 مش رمضان اللي جاي.. وأنا جاهز لتقديم جزء ثانٍ من ما وراء الطبيعية
حل الفنان أحمد أمين، ضيفًا على محمد طارق أضا، في برنامج أضا أخف من أضا، المذاع عبر محطة راديو إنرجي 92.1، للحديث عن نجاح مسلسل الصفارة الذي عرض في رمضان الماضي 2023.
وحسم أحمد أمين جدل تقديم جزء ثان من مسلسل الصفارة في رمضان 2024، خلال حواره مع إنرجي، وقال: مش هعمل جزء ثاني من الصفارة إلا لو لقيت فكرة أقوى لأني مش هعمله بنفس طريقة الجزء الأول، وغالبا ده مش هيبقى السنة الجاية.
كما أشار أحمد أمين إلى استعداده لتقديم جزء ثان من مسلسل ما وراء الطبيعة، الذي جسد فيه شخصية دكتور رفعت إسماعيل، وعرض عبر منصة نتفليكس، وقال: أنا جاهز لقرار الجزء الثاني من ما وراء الطبيعة، لكنه يرجع لجهة الإنتاج، والجزء التاني كتابته أحسن بكتير من الجزء الأول مع اختيار القصص وتطور شخصية رفعت إسماعيل اللي هتبدأ في الجزء التاني، لأنه كان كئيبا في الجزء الأول عشان مكنش مؤمن بالماورائيات.
وأعلن أحمد أمين أنه يستعد حاليا لتجربة مسرحية ارتجالية، موضحًا: مفيهاش ولا كلمة مكتوبة، وهتعاون مع شباب جديد وهعلن عن تفاصيلها قريب.
أحمد أمين يتحدث عن مسلسل الصفارة
واستكمل أحمد أمين حديثه، كاشفًا تفاصيل جديدة في مسلسل الصفارة، وقال: كان فيه قصص وشخصيات تانية كتير في مسلسل الصفارة متعملتش منها قصة كنت بصحى ألاقي نفسي في تايلاند وبصحى ألاقي نفسي متجوز تلاتة.
أحمد أمين يتحدث عن أكرم حسني
وأشاد أحمد أمين بتجربة العمل مع الفنان أكرم حسني قائلا: أنا وأكرم لو بصينا لبعض بنفهم بعض، بيننا عشرة ومحبة ربنا يديمها، شطارة أكرم وذكاؤه وثقته في نفسه بيخلوه يحب دايما يتعاون مع اللي شغالين معاه، وبتمنى تقديم شخصية الموسيقار محمد فوزي.
