ريم طارق: حسن شاكوش كان يعلم أنني مطلقة.. وأهله كانوا رافضين الجوازة
قالت ريم طارق طليقة مؤدي المهرجانات حسن شاكوش، إن زوجها السابق حسن شاكوش كان يعلم بأنها سبق لها الزواج وأنها مطلقة قبل أن يتزوجها، موضحة: سأل عليا منذ 3 سنوات وقالوا ليه إني بتجوز وبحضر لفرحي، ولما حصلت مشاكل بعد كده وانفصلت اتقدم لي.
وأضافت ريم طارق، خلال مداخلة هاتفية مع الإعلامية بسمة وهبة ببرنامج 90 دقيقة، على قناة المحور: لم أكن على علاقة به ولم أتعرف عليه من خلال السوشيال ميديا ولم أغشه، لكنه كان جاي عن طريق أهله وأهلي مش عن طريقي.
انفصال حسن شاكوش وريم طارق
وأوضحت: أهله كانوا عارفين إني منفصلة، علشان كدة مكنوش راضيين عن إتمام هذه الزيجة، رغم إنهم كانوا متعاطفين معايا وكنا على اتصال دائم، بعد كده بقوا يهاجموني، وفي ناس عملت حسابات fake وشتمتهم وشتمت شاكوش ورجل أعماله.
وأكدت: أم حسن شاكوش حقانية جدا، لكني اكتشفت إن حد سخنها، وللأسف حسن شاكوش مكنش قاعد في البيت، لما خلصنا حلقة شيخ الحارة مشفتهوش إلا بعدها بـ 3 أيام.
